സ്വന്തം ലേഖകൻ: കുവൈത്തില്‍ ജോലി ചെയ്യാന്‍ പ്രവാസികളുടെ താത്പര്യം കുറയുന്നതായി റിപ്പോര്‍ട്ട്. അധിക ജോലി സമയമാണ് പ്രധാനമായും പ്രവാസികളെ വലയ്ക്കുന്നതെന്ന് യൂറോന്യൂസ് റിപ്പോര്‍ട്ട് ചെയ്തു. മാത്രമല്ല, ജോലിയും ജീവിതവും ഒരു പോലെ കൊണ്ടുപോകാന്‍ സാധിക്കുന്നില്ലെന്നതും പ്രവാസികളുടെ പ്രധാന പരാതികളിലൊന്നാണ്. കുവൈത്തിനെ കൂടാതെ ജപ്പാനിലും ജോലി ചെയ്യാന്‍ പ്രവാസികള്‍ മടിക്കുന്നെന്ന് അല്‍ അന്‍ബ റിപ്പോര്‍ട്ട് ചെയ്തു.
2021 ലെ പ്രവാസികള്‍ക്ക് ജോലി ചെയ്യാന്‍ മികച്ചതും ഏറ്റവും മോശവുമായ 59 രാജ്യങ്ങളുടെ പട്ടികയില്‍ ഏറ്റവും അവസാന സ്ഥാനക്കാരാണ് കുവൈറ്റും ജപ്പാനും. പ്രവാസികള്‍ തങ്ങളുടെ സ്വന്തം രാജ്യത്തേക്കാളും പുറമെ ഏറ്റവും കൂടുതല്‍ ജോലി ചെയ്യാന്‍ ഇഷ്ടപ്പെടുന്ന രാജ്യം ഏതെന്ന് കണ്ടെത്തുന്നതിനുള്ള കണക്കെടുപ്പിലാണ് വിവരങ്ങള്‍ പുറത്തുവിട്ടത്.
കഴിഞ്ഞ എട്ട് വര്‍ഷങ്ങളില്‍ തുടര്‍ച്ചയായ ഏഴാം തവണയാണ് കുവൈത്ത് പ്രവാസികളുടെ അപ്രിയ രാജ്യമാകുന്നത്. എക്‌സ്പാറ്റ് ഇന്‍സൈഡര്‍ സര്‍വെയില്‍ അവസാനത്തെ രാജ്യമായി കുവൈത്ത് മാറുകയായിരുന്നു. ക്വാളിറ്റി ഓഫ് ലൈഫ് ഇന്‍ഡെക്‌സില്‍ കുവൈത്ത് അവസാന സ്ഥാനത്താണ് (59). ഒഴിവു സമയം, വ്യക്തിഗത സന്തോഷം, യാത്ര, ഗതാഗതം എന്നിവയിലെല്ലാം പ്രവാസികള്‍ ഈ രാജ്യത്ത് അസംതൃപ്തരാണ്.
ഈസ് ഓഫ് സെറ്റ്‌ലിംഗ് ഇന്‍ ഇന്‍ഡെക്‌സിലും ഏറ്റവും മോശം സ്ഥലമാണ് കുവൈത്ത്. 46 % പ്രവാസികളും പ്രാദേശിക സംസ്‌കാരത്തില്‍ (ആഗോള തലത്തില്‍ 20%) വീടെന്ന തോന്നല്‍ ഇല്ല. 45 % പേര്‍ ഈ രാജ്യത്ത് സ്ഥിരതാമസമാക്കാന്‍ ബുദ്ധിമുട്ട് അനുഭവിക്കുന്നു. 2021 ല്‍ തായ്‌വാന്‍, മെക്‌സിക്കോ, കോസ്റ്റാറിക്ക എന്നിവയാണ് ലോകമെമ്പാടുമുള്ള പ്രവാസികള്‍ ഇഷ്ടപ്പെടുന്നതില്‍ മികച്ച രാജ്യങ്ങള്‍. അവിടെയെല്ലാം പ്രവാസികളെ ആകര്‍ഷിക്കുന്നത് അവിടെ സ്ഥിരതാമസമാക്കാനുള്ള എളുപ്പവും മികച്ച സാമ്പത്തിക ഭദ്രതയുമാണ്.
ജിസിസി രാജ്യങ്ങളില്‍ പ്രവാസികള്‍ ഇഷ്ടപ്പെടുന്ന രാജ്യങ്ങളും റേറ്റിംഗും:
ബഹ്‌റൈന്‍ 12
ഖത്തര്‍ 17
യുഎഇ 18
ഒമാന്‍ 24
സൗദി അറേബ്യ 42
കുവൈത്ത് 59
പ്രവാസികള്‍ ഇഷ്ടപ്പെടുന്ന രാജ്യങ്ങള്‍
തായ് വാന്‍
മെക്‌സിക്കോ
കോസ്റ്റാറിക്ക
മലേഷ്യ
പോര്‍ച്ചുഗല്‍
ന്യുസിലാന്‍ഡ്
ഓസ്‌ട്രേലിയ
ഇക്വഡോര്‍
കാനഡ
വിയറ്റ്‌നാം
പ്രവാസികള്‍ സംതൃപ്തിയില്ലാത്ത രാജ്യങ്ങള്‍
കുവൈത്ത് 59
ഇറ്റലി 58
സൗത്ത് ആഫ്രിക്ക 57
റഷ്യ 56
ഈജിപ്ത് 55
ജപ്പാന്‍ 54
സൈപ്രസ് 53
തുര്‍ക്കി 52
ഇന്ത്യ 51
മാള്‍ട്ട 50
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല