കുവൈത്തിൽ ഭ​ക്ഷ​ണ​ശാ​ല​ക​ളും ക​ഫേ​ക​ളും രാത്രി അ​ട​ച്ചി​ട​ണ​മെ​ന്ന തീ​രു​മാ​നം പി​ൻ​വ​ലിച്ചു

സ്വന്തം ലേഖകൻ: കുവെെറ്റിലെ ഖുറൈൻ മാർക്കറ്റ്, അർദിയ ഇൻഡസ്ട്രിയൽ ഏരിയ, കരകൗശല മേഖലകൾ തുടങ്ങിയ സ്ഥലങ്ങളിലാണ് ഭക്ഷണശാലകളും കഫേകളും പുലർച്ച ഒരുമണിക്ക് അടച്ചിടണമെന്ന തീരുമാനം അധികൃതർ പുറത്തുവിട്ടിരുന്നത്. എന്നാൽ ഇതാണ് ഇപ്പോൾ പിൻവലിച്ചിരിക്കുന്നത്. വിഷയത്തിൽ സംരംഭകർ അധികൃതരുമായി സംസാരിച്ചു തങ്ങളുടെ ആശങ്ക പങ്കുവെച്ചു. തുടർന്നാണ് പ്രശ്നത്തിൽ അധികൃതർ ഇടപ്പെടുന്നതും പരിഹാരം കണ്ടെത്തുന്നതും.

ബിസിനസ് ഉടമകൾ ഉന്നയിച്ച മുന്നോട്ടുവെച്ച് ആശങ്കകൾ അധികൃതർ പഠിച്ചു. വിവിധ കക്ഷികളുമായി നടത്തിയ ചർച്ചയിലാണ് പ്രശ്നത്തിന് പരിഹാരം എത്തുന്നത്. പാർലമെന്ററി ബിസിനസ് എൻവയൺമെന്റ് ആൻഡ് സ്മോൾ എന്റർപ്രൈസസ് കമ്മിറ്റിയുടെ അംഗം എംപി ഹമദ് അൽ മദ്‌ലെജ് ആണ് വിഷയത്തിൽ ആഭ്യന്തര, മുനിസിപ്പാലിറ്റി മന്ത്രിമാരുമായി ചർച്ച നടത്തിയത്. ഈ പ്രദേശങ്ങളിൽ പൊതുജന സുരക്ഷ ഉറപ്പാക്കുന്നതിന് വേണ്ടി ആവശ്യമായ നടപടികൾ സ്വീകരിക്കും. വാണിജ്യ മേഖലകൾ സംരക്ഷിക്കുന്നതിനുമായി സുരക്ഷ കാമറകൾ സ്ഥാപിക്കാനും തീരുമാനമായിട്ടുണ്ട്. ഇതിന്റെ അടിസ്ഥാനത്തിലാണ് തീരുമാനം പിൻവലിക്കാൻ കുവെെറ്റ് തീരുമാനിച്ചത്.

അതേസമയം, കുവെെറ്റിൽ തെരഞ്ഞെടുപ്പ് പ്രക്രിയയുടെ പൂർണ ചുമതല വൈകാതെ തെരഞ്ഞെടുപ്പ് കമീഷന്റെ അധികാരപരിധിയിൽ വരും. തെരഞ്ഞെടുപ്പ് കമീഷൻ രൂപവത്കരിക്കുന്നതിന് അംഗീകാരം നൽകിയതിന് പിന്നാലെയാണ് ഇത്തരത്തിലൊരു തീരുമാനം എത്തിയിരിക്കുന്നത്. ബില്ല് ദേശീയ അസംബ്ലി പാസാക്കി. 62 സാമാജികരിൽ 59 എംപിമാർ അനുകൂലിച്ചും മൂന്നു പേർ എതിർത്തും ഇതിൽ വോട്ട് ചെയ്തു. ചൊവ്വാഴ്ച ചേർന്ന അസാധാരണ സമ്മേളനത്തിൽ ആണ് ഇതുമായി ബന്ധപ്പെട്ട റിപ്പോർട്ട് സമർപ്പിച്ചത്.

തെരഞ്ഞെടുപ്പിന് മേൽനോട്ടം നൽകാനും തെരഞ്ഞെടുപ്പ് പ്രക്രിയ സംഘടിപ്പിക്കാനും ജനറൽ കമീഷനെ അധികാരപ്പെടുത്താൻ ബിൽ വ്യവസ്ഥചെയ്യുന്നു. നാലു വർഷ കാലയളവിൽ ഏഴു കുവൈത്ത് ജഡ്ജിമാരെയും കമീഷനിൽ ഉൾപ്പെടുത്തും. തെരഞ്ഞെടുപ്പ് പ്രചാരണത്തിന് നിയമങ്ങൾ സ്ഥാപിക്കൽ, തെരഞ്ഞെടുപ്പ് ചെലവുകൾ, ഫണ്ടിങ് വിഭവങ്ങൾ എന്നിവ ക്രമീകരിക്കൽ കമീഷന്റെ ചുമതലയായിരിക്കും. കഴിഞ്ഞ ദിവസം ആത്മഹത്യക്ക് ശ്രമിച്ച സ്ത്രീയെ അഗ്നിശമനസേന രക്ഷപ്പെട്ടു. ബിനെയ്ദ് അൽ ഖർ പ്രദേശത്ത് ചൊവ്വാഴ്ച ഉച്ചയോടെയാണ് സംഭവം എന്നാണ് റിപ്പോർട്ട്. കെട്ടിടത്തിൽ സ്ത്രീ ആത്മഹത്യക്ക് ശ്രമിച്ചതായി അറിയിപ്പ് കിട്ടിയതിന്റെ അടിസ്ഥാനത്തിൽ ആണ് അധികൃതർ അവിടെ എത്തിയത്.