സ്വന്തം ലേഖകൻ: അശ്രദ്ധമായി വാഹനം ഓടിക്കുന്നതിനും ട്രാഫിക് നിയമലംഘനങ്ങൾക്കുമെതിരെ കർശനമായി നടപടിയുമായി രംഗത്തെത്തിയിരിക്കുകയാണ് കുവെെറ്റ് ട്രാഫിക് വകുപ്പ്. ഈ വർഷം മാർച്ച് ഒന്നു മുതൽ മേയ് 31 വരെ റോഡിലെ അപകടകരമായ പെരുമാറ്റത്തിന് 30 പേർക്കെതിരെ കേസെടുത്തു. ആഭ്യന്തര മന്ത്രാലയം ആണ് ഇക്കാര്യം അറിയിച്ചത്.
രാജ്യത്ത് റോഡപകടങ്ങൾ കുറക്കാൻ അധികൃതർ ശക്തമായ ഇടപെടൽ നടത്തിവരുകയാണ്. നിയമലംഘകർക്കെതിരെ പിഴയും തടവും അടക്കമുള്ള നടപടി കർശനമാക്കിയിട്ടുണ്ട്. ഗതാഗത നിയമലംഘനങ്ങൾക്കുള്ള പിഴ ഉയർത്തും. രാജ്യത്തെ പൗരൻമാർക്കും, വിദേശികൾക്കും ഇതുമായി ബന്ധപ്പെട്ട കർശന നിർദ്ദേശം ആണ് നൽകിയിരിക്കുന്നത്. നിയമം ലംഘിച്ച നിരവധി പേരെ കസ്റ്റഡിയിൽ എടുത്തിട്ടുണ്ട്. നിയമലംഘനങ്ങൾ കണ്ടെത്താൻ വിവിധ ഇടങ്ങളിൽ പുതിയ കാമറകൾ സ്ഥാപിച്ചിട്ടുണ്ട്.
ജനറൽ ട്രാഫിക് ഡിപ്പാർട്മെന്റ് അർധവാർഷിക സ്ഥിതിവിവരക്കണക്കുകൾപ്രകാരം ഈ വർഷത്തിന്റെ ആദ്യ പകുതിയിൽ 7,98,000 നേരിട്ടുള്ള ട്രാഫിക് നിയമലംഘനങ്ങൾ രേഖപ്പെടുത്തിയിട്ടുണ്ട്. ഈ വർഷം തന്നെ 37,000 ട്രാഫിക് അപകടങ്ങൾ ആണ് റിപ്പോർട്ട് ചെയ്യപ്പെട്ടത്. ഈ വർഷം ആദ്യ പകുതിയില്‍ ലൈസൻസില്ലാതെ വാഹനം ഓടിച്ച 940 പ്രായപൂർത്തിയാകാത്തവരെ പിടിക്കൂടി. ട്രാഫിക് നിയമം ലംഘിക്കുന്നവരെ കണ്ടെത്താൻ ശക്തമായ പരിശോധനയാണ് നടത്തുന്നത്.
റോഡിലൂടെ അമിത വേഗത്തിൽ വാഹനം ഓടിക്കുക, റോഡിൽ അഭ്യാസപ്രകടനം എന്നിവ കണഅടെത്തിയാൽ പോലീസ് കേസെടുക്കും. വാഹനവും ഡ്രൈവറെയും ആയിരിക്കും കസ്റ്റഡിയിൽ എടുക്കുന്നത്. വാഹനം ഓടിക്കുന്നവർ ട്രാഫിക് നിയമങ്ങളും ചട്ടങ്ങളും പാലിക്കണം. പ്രതികൂല സംഭവങ്ങൾ റിപ്പോർട്ട് ചെയ്താൽ ഉടൻ തന്നെ അധികൃതരെ വിവരം അറിയിക്കണം. റോഡപകടങ്ങൾ നടന്നാൽ മർജൻസി ഫോൺ ലൈൻ (112) വഴിയോ വാട്സ്ആപ് ട്രാഫിക് (99324092) വഴിയോ ബന്ധപ്പെട്ടവരെ അറിയിക്കണം.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല