സ്വന്തം ലേഖകൻ: കുവെെറ്റിൽ സന്ദർശക വീസ അനുവദിക്കുന്നതുമായി ബന്ധപ്പെട്ട നടപടിക്രമങ്ങൾ നടക്കുന്നതായി റിപ്പോർട്ടുകൾ പുറത്തുവരുന്നു. നടപടിക്രമങ്ങൾ അവസാനഘട്ടത്തിൽ എത്തി എന്ന തരത്തിലാണ് റിപ്പോർട്ടുകൾ പുറത്തുവരുന്നത്. ഇതുമായി ബന്ധപ്പെട്ട തീരുമാനം ഉടൻ പുറത്തുവിടുമെന്ന് കുവെെറ്റ് ആഭ്യന്തര മന്ത്രാലയം അറിയിച്ചു. കുവൈത്ത് ടൈംസ് ആണ് വാർത്ത റിപ്പോർട്ട് ചെയ്യുന്നത്. പുതിയ വർഷം ആരംഭിക്കുമ്പോൾ അതിന്റെ തുടക്കത്തിൽ തന്നെ നിയമം നടപ്പിലാക്കുമെന്നാണ് റിപ്പോർട്ടിൽ പറയുന്നത്.
രാജ്യത്ത് വിസിറ്റ് വീസ അനുവദിക്കുന്നതിനുള്ള പുതിയ മാനദണ്ഡങ്ങൾ അടങ്ങുന്ന തീരുമാനങ്ങളുടെ കരട് പകർപ്പ് കുവെെറ്റ് ആഭ്യന്തര മന്ത്രാലയം മന്ത്രിസഭക്ക് കൈമാറി. വിസിറ്റ് വീസ അനുവദിക്കുന്നതിനുള്ള പുതിയ തീരുമാനങ്ങളുടെ കരട് ഇതിൽ ഉൾപ്പെട്ടിട്ടുണ്ടെന്നാണ് വിവരം. വിസിറ്റ് വീസ വർക്ക് പെർമിറ്റിലേക്ക് മാറ്റുക, വീസകൾക്കുള്ള ഫീസ് ഇരട്ടിയാക്കുക, ആശ്രിതരിൽ ഭാര്യയും കുട്ടികളും മാത്രം ഉൾപ്പെടുത്തുക തുടങ്ങിയ എല്ലാം കരട് വിവസ്ഥയിൽ ഉള്ളതായി റിപ്പോർട്ടിൽ പറയുന്നു.
കുവെെറ്റിൽ ഉയർന്ന ശമ്പളത്തിന് ജോലി ചെയ്യുന്നവർക്ക് മാത്രമേ മാതാപിതാക്കളെ ആശ്രിതരായി കൊണ്ടുവരാൻ സാധിക്കുകയുള്ളു എന്ന നിർദ്ദേശവും ഇതിൽ നൽകിയിട്ടുണ്ട്. സന്ദർശക വിസ, കുടുംബ വീസ തുടങ്ങിയവ നൽക്കുന്നതിന് വേണ്ടിയുള്ള നിയമങ്ങളിൽ ചില അന്തിമ ചർച്ചകൾ നടക്കുന്നുണ്ട്. ഇതിന് ശേഷം ആയിരിക്കും ഇതുമായി ബന്ധപ്പെട്ട തീരുമാനങ്ങൾ സ്വീകരിക്കുക. ഇതിന്റെ ചർച്ചക്ക് വേണ്ടി പ്രത്യേക സംഘത്തെ തന്നെ കുവെെറ്റ് നിശ്ചയിച്ചിട്ടുണ്ട്.
കൊവിഡ് രാജ്യത്ത് വ്യാപിച്ച സാഹചര്യത്തിൽ ആണ് സന്ദർശക വീസ നിർത്തി വെച്ചത്. പിന്നീട് ഇത് ആരംഭിക്കുന്നത് സംബന്ധിച്ച് ചില വ്യവസ്ഥകളിൽ മാറ്റം വരുത്താൻ വേണ്ടിയാണ് ഇത്രയും കാലതാമസം വന്നത്. കമേഴ്സ്യൽ സന്ദർശന വീസ മാത്രമാണ് ഇപ്പോൾ കുവെെറ്റ് നൽക്കുന്നത്. കുടുംബ വീസ അനുവദിക്കുന്നത് താൽക്കാലികമായി അതിന്റെ ഇടയിൽ ആരംഭിച്ചു. ഇപ്പോൾ കുട്ടികൾക്കാണ് വിസനൽകുന്നത്. നവംബറിൽ ആണ് കുവെെറ്റ് ആ നടപടിക്രമങ്ങൾ ആരംഭിച്ചത്. ഇതുവരെയുള്ള കണക്കുകൾ പ്രകാരം 3000 കുടുംബ വീസകൾ കുവെെറ്റ് അനുവദിച്ച് നൽകിയെന്ന് താമസകാര്യ വകുപ്പ് മന്ത്രാലയം കഴിഞ്ഞ ദിവസം അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല