അപ്പച്ചന്‍ കണ്ണഞ്ചിറ: യുകെ യിലെ പ്രമുഖ മരിയന്‍ തീര്‍ത്ഥാടക കേന്ദ്രമായ പ്രസ്റ്റണിലെ ലേഡി വെല്ലില്‍ പരിശുദ്ധ അമ്മയുടെ സ്വര്‍ഗ്ഗാരോപണ തിരുന്നാള്‍ ഭക്തിപുരസ്സരം കൊണ്ടാടുന്നു. ആഗസ്റ്റ് 15 നു തിങ്കളാഴ്ച വൈകുന്നേരം 5:30 നു തിരുന്നാള്‍ തിരുക്കര്‍മ്മങ്ങള്‍ ആരംഭിക്കും.പരിശുദ്ധ ജപമാല സമര്‍പ്പണം,ആഘോഷമായ തിരുന്നാള്‍ ദിവ്യബലി,ലദീഞ് തുടര്‍ന്ന് നേര്‍ച്ച വിതരണത്തോടെ തിരുക്കര്‍മ്മങ്ങള്‍ സമാപിക്കുന്നതായിരിക്കും.
സ്വര്‍ഗ്ഗത്തിന്റേയും,ഭൂമിയുടെയും റാണിയായ പരിശുദ്ധ അമ്മയുടെ സ്വര്‍ഗ്ഗാരോപണ ദിനം വളരെയേറെ വണക്കത്തോടെയും, പ്രാധാന്യത്തോടെയും ആഗോളതലത്തില്‍ തന്നെ പരിശുദ്ധ കത്തോലിക്കാ സഭ ആചരിച്ചു പോരുന്നതാണ്. പ്രസ്റ്റണ്‍ വി.അല്‍ഫോന്‍സാ ദേവാലയ വികാരി ഫാ മാത്യു ചൂരപൊയികയില്‍ തിരുന്നാള്‍ തിരുക്കര്‍മ്മങ്ങളില്‍ കാര്‍മ്മികത്വം വഹിച്ചു മരിയന്‍ സന്ദേശം നല്‍കുന്നതായിരിക്കും.
മാതൃ രാജ്യ സ്വാതന്ത്ര ദിനം കൂടിയായ 15 നു ഭാരതത്തിന്റെ അഖണ്ഡതക്കും,സമാധാനത്തിനും,സമൃദ്ധിക്കും,മതേതരത്തിനായും ഭരണകര്‍ത്താക്കള്‍, നേതാക്കള്‍ എന്നിവര്‍ക്കായും പ്രാര്‍ത്ഥനയില്‍ പ്രത്യേകം സ്മരിക്കും.
മാതാവിന്റെ സ്വര്‍ഗ്ഗാരോപണ തിരുനാളില്‍ ഭക്തി പുരസ്സരം പങ്കു ചേര്‍ന്ന് അമ്മയുടെ മദ്ധ്യസ്ഥതയില്‍ അനുഗ്രഹങ്ങള്‍ പ്രാപിക്കുന്നതിന് വികാരി മാത്യു ചൂരപൊയികയില്‍ അച്ചന്‍ ഏവരെയും സസ്‌നേഹം ക്ഷണിച്ചു കൊള്ളുന്നു.
ലേഡി വെല്‍,പ്രസ്റ്റണ്‍,പി.ആര്‍2 5ആര്‍.ആര്‍
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല