തമ്പി ജോസ്
ലിവര്‍പൂള്‍ : ദശാബ്ദിയുടെ നിറവില്‍ നില്‍ക്കുന്ന ലിംക (LIMCA)യുടെ ഈ വര്‍ഷത്തെ ഓണാഘോഷങ്ങള്‍ ‘ഓണം പൊന്നോണം-2012 ‘ആഗസ്റ്റ്‌ 25 ശനിയാഴ്ച രാവിലെ 10 മുതല്‍ ബ്രോഡ് ഗ്രീന്‍ ഇന്റര്‍നാഷണല്‍ സ്കൂളില്‍ തനിമയോടെ നടത്തപ്പെടും. പ്രവര്‍ത്തനത്തിലും നടത്തിപ്പിലും അവതരണത്തിലും നിലവാരത്തിലും എന്നും മുമ്പില്‍ നില്‍ക്കുന്ന ലിക, ഈ വര്‍ഷവും ലിവര്‍പൂള്‍ മലയാളികള്‍ക്ക് ഓണനാളുകളില്‍ മഹോത്സവത്തിന്റെ അനുഭൂതിയും പ്രതീതിയുമാണ് ഒരുക്കി വച്ചിരിക്കുന്നത്.
ലിവര്‍ പൂളിന്റെ, സാമൂഹ്യ, രാഷ്ട്രീയ, വിദ്യാഭ്യാസ, ആരോഗ്യ, വാണിജ്യ മേഖകള്‍ക്ക് നേതൃത്വം നല്‍കുന്ന മഹത് വ്യക്തികള്‍ ഓണാഘോഷ പരിപാടികളില്‍ പങ്കെടുക്കുന്നു. വഞ്ചിപ്പാട്ടും വള്ളംകളിയും ഊഞ്ഞാലും ഒക്കെ ചേര്‍ന്ന് ഓണതനിമ ലിവര്‍പൂളിലേയ്ക്ക് പറിച്ചു നടുകയാണ്‌ സംഘാടകര്‍ .
വിഭവ സമൃദ്ധമായ ഓണ സദ്യയോടൊപ്പം വൈവിധ്യമാര്‍ന്ന കലാപരിപാടികളും ഉണ്ടാവും. നൃത്തനൃത്ത്യങ്ങള്‍, പ്രവാസ ജീവിതത്തിന്റെ നേര്‍ക്കാഴ്ചയായ സ്കിറ്റുകള്‍ എന്നിവയ്ക്ക് പുറമേ അന്യമായിക്കൊണ്ടിരിക്കുന്ന കലാരൂപമായ കഥാപ്രസംഗം പരിപാടികള്‍ക്ക് മാറ്റുകൂട്ടും.
കൂടുതല്‍ വിവരങ്ങള്‍ക്ക്: തമ്പി ജോസ്- 07576983141 , മനോജ്‌ വടക്കേടത്ത്- 07828787332 , ബിനു മൈലാപ്ര- 07889134397
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല