എ. പി. രാധാകൃഷ്ണന്‍
പാല്‍കടല്‍വാസന്‍ ഭഗവാന്‍ ശ്രീ മഹാവിഷ്ണുവിന്റെ സഹസ്രനാമ അര്‍ച്ചനയ്ക്ക് ഭക്തര്‍ ഒരുങ്ങുന്നു. എല്ലാ മാസവും നടത്തുന്ന സത്സഗങ്ങളിലൂടെ വ്യത്യസ്തവും പുരാതനവുമായ ആചാര അനുഷ്ടാനങ്ങള്‍ പകര്‍ന്ന് കൊടുക്കുന്നത് വഴി ഭക്ത മനസുകളില്‍ നിറ സാന്നിധ്യമായ ലണ്ടന്‍ ഹിന്ദു ഐക്യവേദിയുടെ ഈ മാസത്തെ സത്സംഗം സെപ്റ്റംബര്‍ 26 നു ശനിയാഴ്ച പതിവ് വേദിയായ വെസ്റ്റ് ത്രോണ്‍ണ്ടന്‍ കമ്മ്യൂണിറ്റി സെന്റെര്‍ ഇല്‍ വെച്ച് നടത്തപെടും. ക്ഷേത്ര ആചാരങ്ങള്‍ക്ക് മുന്‍തൂക്കം കൊടുക്കുന്ന ചടങ്ങുകള്‍ നടത്തി വരുന്ന ലണ്ടന്‍ ഹിന്ദു ഐക്യവേദി ഈ മാസം യു കെ യിലെ ആദ്യത്തെ സമൂഹ വിഷ്ണു സഹസ്രനാമ അര്‍ച്ചനയ്ക്ക് ഒരുങ്ങുന്നു.
ഇതിനു മുന്‍പ് നടന്ന സത്സഗങ്ങളില്‍ വിഷ്ണു, ലളിത അഷ്ടോത്തര
അര്‍ച്ചനകളും ലളിത സഹസ്രനാമ അര്‍ച്ചനയും നടത്തിയിട്ടുള്ള ലണ്ടന്‍ ഹിന്ദു ഐക്യവേദി ആദ്യമായി വിഷ്ണു സഹസ്രനാമ അര്‍ച്ചന നടത്തുകയാണ്. അര്‍ച്ചനക്കും പൂജകള്‍ക്കും ശ്രീ മുരളി അയ്യര്‍ നേതൃത്വം കൊടുക്കും. അര്‍ച്ചനയില്‍ പങ്കെടുക്കാന്‍ വരുന്നവര്‍ പൂക്കള്‍, വിളക്ക്, താലം എന്നിവ കൊണ്ടുവരേണ്ടതാണ്, അല്ലാത്തപക്ഷം നേരത്തെ അറിയിച്ചാല്‍ സംഘാടകര്‍ പൂജ ദ്രവ്യങ്ങള്‍ ഒരുക്കി വെക്കുന്നതാണ്. പതിവുപോലെ ഭജന, ഭക്തി ഗാനസുധ, അന്നദാനം തുടങ്ങി വിവിധ പരിപാടികളും സത്സഗതിനോടനുബന്ധിച്ചു നടത്തപെടും.
കൂടുതല്‍ വിവരങ്ങള്‍ക്ക്
ഫോണ്‍: 07828137478, 07932635935
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല