ലണ്ടന്‍ ഹിന്ദു ഐക്യവേദി: തിന്മയുടെ മേല്‍ നന്മയുടെ വിജയം നേടിയതിന്റെ ഓര്‍മ്മ പുതുക്കുന്ന പുണ്യ ദിനമായ ദീപാവലി ഈ കഴിഞ്ഞ ശനിഴായ്ച ഒക്ടോബര്‍ 29ന് , ലണ്ടന്‍ ഹിന്ദു ഐക്യവേദി പതിവ് വേദിയായ ക്രോയ്‌ടോന്‍, വെസ്റ്റ് തോര്‍ന്‌ടോന്‍ കമ്മ്യൂണിറ്റി സെന്റ്റരില്‍ വെച്ച് ആഘോഷിച്ചു.
വൈകുനേരം 5:30 ന് ഭക്തി സാന്ദ്രമായ അന്തരീക്ഷത്തില്‍ പ്രത്യേക ഭജനയോടെ ആരംഭിച്ച പരിപാടികള്‍ രാത്രി വിവഭ സമൃദ്ധമായ സദ്യയോട് കൂടിയാണ് അവസാനിച്ചത്.
ലണ്ടന്‍ ഹിന്ദു ഐക്യവേദിയുടെ ഭജന സംഘവും കെന്റ് ഹിന്ദു സമാജത്തില്‍ നിന്നെത്തിയ സിന്ധു രാജേഷും ചേര്‍ന്ന് അവതരിപ്പിച്ച സ്‌പെഷ്യല്‍ ഭജന തിങ്ങി നിറഞ്ഞ സദസ്സിനെ അക്ഷരാര്‍ത്ഥത്തില്‍ ഭക്തി സാന്ദ്രമാക്കി . ഇതിന്റെ തുടര്‍ച്ചയായി എത്തിയ പ്രസിദ്ധ ഗായകരായ സുധീഷ് ക്രോയ്‌ടോന്‍, മിഥുന്‍ മോഹന്‍ എന്നിവര്‍ ആലപിച്ച ഭക്തി ഗാനങ്ങള്‍ സദസ്യരെ ഒന്നടങ്കം പിടിച്ചിരുത്തി .
പരിപാടിക്കള്‍ക്കു ശേഷം ശ്രീ മുരളി അയ്യരുടെ നേതൃത്വത്തില് ശ്രീ ഗുരുവായൂരപ്പന് പ്രത്യേക അര്‍ച്ചന നടത്തി ദീപാരാധനയും അര്‍പ്പിച്ചു
തുടര്‍ന്ന് ക്രോയ്‌ടോന്‍ നിവാസിയും ലണ്ടന്‍ ഹിന്ദു ഐക്യവേദിയുടെ
സജീവ പ്രവര്‍ത്തകനുമായ ശ്രീ പ്രേംകുമാര്‍ ചെറുന്നിയൂര്‍ തന്റെ മകള്‍ ഗൗരി പ്രേംകുമാറിന്റെ ജന്മ ദിന ആഘോഷത്തിന്റെ ഭാഗമായി സ്‌പോണ്‍സര്‍ ചെയ്ത വിഭവസമൃദ്ധമായ സദ്യയില്‍ അനേകം പേര്‍ പങ്കുകൊണ്ടു.
ദീപങ്ങളുടെ ഉത്സവമായ ദീപാവലി ആഘോഷങ്ങള്‍ വന്‍ വിജയമാക്കിയ എല്ലാ സത് ജനങ്ങള്‍ക്കും ലണ്ടന്‍ ഹിന്ദു ഐക്യവേദിയുടെ പേരില്‍ ചെയര്‍മാന്‍ ശ്രീ തെക്കുംമുറി ഹരിദാസ് നന്ദി അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല