കിസാന്‍ തോമസ്: ലൂക്കന്‍ സീറോ മലബാര്‍ കൂട്ടായ്മയില്‍ പ.കന്യകാമറിയത്തിന്റെയും വി . 
തോമ്മാശ്ലീഹായുടേയും വി .അല്‍ഫോന്‍സാമ്മയുടേയും സംയുക്ത തിരുനാളും,കുടുംബ യുണിറ്റുകളുടെ വാര്‍ഷികവും സെപ്തംബര്‍ 11 ഞായറാഴ്ച ലൂക്കന്‍ ഡിവൈന്‍ മേഴസി ചര്‍ച്ചില്‍ വച്ച് ഭക്ത്യാദരപൂര്വ്വം ആഘോഷിക്കുന്നു.
സെപ്റ്റംബര്‍ 11 ഞായറാഴ്ച ഉച്ചകഴിഞ്ഞ് 2 മണിക്ക് ഫാ.ജോസഫ് കറുകയില്‍ മുഖ്യകാര്‍മ്മികത്വം വഹിക്കുന്ന ആഘോഷമായ തിരുന്നാള്‍ റാസയോടുകൂടി തിരുനാള്‍ കര്‍മങ്ങള്‍ക്ക് ആരംഭം കുറിക്കും. ഫാ.പോള്‍ തങ്കച്ചന്‍ ഞാളിയത്ത് തിരുനാള്‍ സന്ദേശം നല്‍കും.
ദിവ്യബലിക്ക് ശേഷം പരിശുദ്ധഅമ്മയുടെയും വി.തോമ്മാശ്ലീഹായുടേയും വി.അല്‍ഫോണ്‍സാമ്മയുടെയും തിരുസ്വരൂപങ്ങള്‍ വഹിച്ചുകൊണ്ട് പ്രദക്ഷിണം ഉണ്ടായിരിക്കും.
വൈകുന്നേരം 5 മണിക്ക് പാല്‌മെര്‍സ്‌ടൌണ്‍ സെന്റ് ലോര്‍കന്‍സ് ബോയ്‌സ് നാഷണല്‍ സ്‌കൂള്‍ ഹാളില്‍ വാര്‍ഷികദിനാഘോഷ പരിപാടികള്‍ക്ക് തിരി തെളിയും . ഫാ.ജോസഫ് കറുകയില്‍,ഫാ.പോള്‍ തങ്കച്ചന്‍ ഞാളിയത്ത് എന്നിവര്‍ ചടങ്ങിലെ മുഖ്യ അതിഥികള്‍ ആയിരിക്കും.
വാര്‍ഷിക പൊതുയോഗം കുട്ടികളുടേയും മുതിര്‍ന്നവരുടേയും വിവിധ കലാപരിപാടികള്‍ സമ്മാനദാനം തുടര്‍ന്ന് 8.30 ന് സ്‌നേഹവിരുന്നോടു കൂടി പരിപാടികള്‍ സമാപിക്കും.
തിരുന്നാള്‍വാര്‍ഷികദിനാഘോഷങ്ങളുടെ വിജയത്തിനുവേണ്ടി സെക്രട്ടറി ജിമ്മി,ട്രസ്റ്റിമാരായ സുനില്‍ വര്‍ഗ്ഗീസ് , ജയന്‍ തോമസ് എന്നിവരുടെ നേത്രുത്വത്തില്‍ വിവിധ കമ്മറ്റികള്‍ പ്രവര്‍ത്തിച്ചു വരുന്നു.
ഈ തിരുന്നാള്‍ ആഘോഷങ്ങളില്‍ ഭക്തിപൂര്‍വ്വം പങ്ക്‌ചേര്‍ന്ന് പരിശുദ്ധ അമ്മയുടേയും വിശുദ്ധരുടേയും മാദ്ധ്യസ്ഥം അപേക്ഷിക്കുവാനും ഏവരേയും സ്‌നേഹപൂര്‍വ്വം സ്വാഗതം ചെയുന്നതായി ചാപ്‌ളയിന്‍സ് ഫാ. ആന്റെണി ചീരംവേലില്‍,ഫാ.ജോസ് ഭരണിക്കുളങ്ങര എന്നിവര്‍ അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല