സ്വന്തം ലേഖകന്‍: ഓസ്‌ട്രേലിയയില്‍ പുനലൂര്‍ സ്വദേശിയായ യുവാവിന്റെ വധം, കൊല നടത്തിയ ഭാര്യയും കാമുകനും പിടിയില്‍. പുനലൂര്‍ സ്വദേശി സാം ഏബ്രഹാം (34) ആണ് കൊല്ലപ്പെട്ടത്. സംഭവത്തില്‍ ഇയാളുടെ ഭാര്യ സോഫിയയും കാമുകന്‍ അരുണ്‍ കമലാസനനും അറസ്റ്റിലായി. കഴിഞ്ഞ ഒക്‌ടോബര്‍ പതിനാലിനായിരുന്നു സാമിനെ മരിച്ച നിലയില്‍ കണ്ടെത്തിയത്.
സാമിന്റെ മരണം ഹുദയാഘാതമെന്നായിരുന്നു സോഫിയ ബന്ധുക്കളോട് പറഞ്ഞിരുന്നത്. എന്നാല്‍ കൊലപാതകമാണെന്ന് പിന്നീട് നടന്ന അന്വേഷണത്തില്‍ വ്യക്തമായി. സോഫിയയുടെ മൊഴികളില്‍ വൈരുദ്ധ്യം തോന്നിയതിനെ തുടര്‍ന്ന് ഓസ്‌ട്രേലിയന്‍ പോലീസ് നടത്തിയ അന്വേഷണത്തിലാണ് കൊലപാതകം തെളിഞ്ഞത്. സൈനയ്ഡ് നല്‍കിയാണ് സാമിനെ കൊലപ്പെടുത്തിയത്.
അരുണ്‍ എന്നയാളുമായി സോഫിയ വര്‍ഷങ്ങളായി പ്രണയത്തിലായിരുന്നു. സാമിനെ ഒഴിവാക്കി ഇയാളുമായി ജീവിക്കുന്നതിനാണ് സോഫിയ കൊലപാതകം ആസൂത്രണം ചെയ്തത്. സോഫിയയുടെ ഫോണ്‍ വിളികള്‍ കേന്ദ്രീകരിച്ച് നടത്തിയ അന്വേഷണത്തിലാണ് ഇരുവരുടെയും ബന്ധത്തെക്കുറിച്ച് പോലീസിന് സൂചന ലഭിച്ചത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല