സ്വന്തം ലേഖകന്‍: ട്രെയിനില്‍ ഒറ്റക്കായപ്പോള്‍ മുമ്പിലിരുന്ന് സ്വയംഭോഗം ചെയ്തയാള്‍ക്ക് മലയാളി പെണ്‍കുട്ടി കൊടുത്ത എട്ടിന്റെ പണി, സമൂഹ മാധ്യമങ്ങളില്‍ അഭിനന്ദന പ്രവാഹം. ഓടുന്ന ട്രെയിനില്‍ തനിക്ക് മുന്നിലിരുന്ന സ്വയംഭോഗം ചെയ്ത യുവാവിന്റെ വീഡിയോ പകര്‍ത്തി വാട്‌സാപ്പില്‍ പങ്കുവക്കുകയായിരുന്നു. തുടര്‍ന്ന് വീഡിയോ സമൂഹ മാധ്യമങ്ങളില്‍ വൈറലാകുകയും ചെയ്തു.
ട്രെയിനില്‍ ആളൊഴിഞ്ഞ ജനറല്‍ കമ്പാര്‍ട്ട്‌മെന്റില്‍ യാത്ര ചെയ്യ്ത പെണ്‍കുട്ടിക്കാണ് ദുരനുഭവം ഉണ്ടായത്. ആലപ്പുഴയില്‍ നിന്നും തിരുവനന്തപുരത്തേക്കുള്ള ട്രെയിന്‍ യാത്രയ്ക്കിടെയാണ് സംഭവം. കമ്പാര്‍ട്ട്‌മെന്റില്‍ പെണ്‍കുട്ടിക്ക് എതിര്‍വശത്തായി മുപ്പത് വയസ്സ് പ്രായം തോന്നിക്കുന്ന മഞ്ഞ ടീഷര്‍ട്ടും ജീന്‍സും ധരിച്ച യുവാവ് വന്നിരുന്നു. പെണ്‍കുട്ടി തനിച്ചാണെന്ന് കണ്ടതോടെ കയ്യിലിരുന്ന ബാഗ് കൊണ്ട് മറച്ച് ഇയാള്‍ സ്വയംഭോഗം ചെയ്ത് തുടങ്ങി.
അതിനിടെ ഇടയ്ക്ക് നേരെ ഇരിക്കുന്നതും വീഡിയോയില്‍ കാണാം. കാര്യം മനസ്സിലായ പെണ്‍കുട്ടി ഭയന്ന് വെറുതേ ഇരിക്കുകയോ മാറി ഇരിക്കുകയോ ചെയ്തില്ല. പകരം കയ്യിലിരുന്ന മൊബൈല്‍ ഫോണില്‍ യുവാവിന്റെ വിക്രിയകള്‍ മുഴുവന്‍ അയാളറിയാതെ പകര്‍ത്തി അപ്പോള്‍ത്തന്നെ വാട്‌സ്ആപ്പില്‍ ഷെയര്‍ ചെയ്യുകയും ചെയ്തു. സ്വയംഭോഗം ചെയ്ത ശേഷം ഇയാള്‍ പെണ്‍കുട്ടിയോട് സമയം തിരക്കുകയും ചെയ്തതായാണ് റിപ്പോര്‍ട്ട്.
ഇതിലും നല്ല പണി ഇത്തരക്കാര്‍ക്ക് കിട്ടാനില്ലെന്നാണ് വീഡിയോ സമൂഹ മാധ്യമങ്ങളില്‍ വൈറലായതോടെ മിക്കവരുടേയും അഭിപ്രായം. നിരവധി പേരാണ് പെണ്‍കുട്ടിയുടെ ധൈര്യത്തെ അഭിന്ദിച്ച് രംഗത്തെത്തിയത്. എന്നാല്‍ സ്വയംഭോഗം ചെയ്ത യുവാവിന്റെ പേരുവിവരങ്ങള്‍ ഇതുവരെ പുറത്തുവന്നിട്ടില്ല.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല