സ്വന്തം ലേഖകന്‍: മലയാളികളുടെ ഇസ്ലാമിക് സ്റ്റേറ്റ് പ്രവേശവുമായി ബന്ധപ്പെട്ട് അറസ്റ്റിലായ ഡല്‍ഹി സ്വദേശിനിയുടെ ലക്ഷ്യവും ഐഎസ് തന്നെ. കാസര്‍ഗോഡ് നിന്ന് മലയാളികളെ കാണാതായ സംഭവുമായി ബന്ധപ്പെട്ട് അറസ്റ്റിലായ പാറ്റ്‌ന സ്വദേശിനി യാസീന്‍ മുഹമ്മദ് പിടിയിലായത് ഇസ്ലാമിക് സ്‌റ്റേറ്റില്‍ ചേരാന്‍ പോകുന്നതിനിടെയെന്ന് റിപ്പോര്‍ട്ട്.
ഡല്‍ഹിയിലെ ഇന്ദിരാ ഗാന്ധി വിമാനത്താവളത്തില്‍ വച്ച് 28കാരിയായ പാറ്റ്‌ന സ്വദേശിനി യാസീന്‍ മുഹമ്മദ് ആണ് അറസ്റ്റിലായത്. യാസീനൊപ്പം അഞ്ച് വയസുള്ള മകനും ഉണ്ടായിരുന്നു. യാസീന്‍ അഫ്ഗാനിസ്ഥാനിലേക്ക് പോകുകയായിരുന്നെന്നാണ് സംശയിക്കുന്നത്. കാസര്‍ഗോഡ് നിന്ന് കാണാതായ മലയാളികള്‍ക്കൊപ്പം തുടര്‍ന്ന് ഐ.എസില്‍ ചേരാനായിരുന്നു ലക്ഷ്യം.
ഐ.എസുമായി ബന്ധമുണ്ടെന്ന് പോലീസ് സ്ഥിരീകരിച്ച കാസര്‍ഗോഡ് തൃക്കരിപ്പൂര്‍ സ്വദേശി അബ്ദുള്‍ റാഷിദുമായി യാസ്മീന് ബന്ധമുണ്ടെന്ന് പോലീസ് പറയുന്നു. യാസ്മീന് വിവാഹ മോചിതയാണ്. ഡല്‍ഹി പോലീസിന്റെ സ്‌പെഷ്യല്‍ സെല്ലിന്റെ പിടിയിലായ യാസ്മീനെ പിന്നീട് കേരള പോലീസിന് കൈമാറി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല