അലക്‌സ് വര്‍ഗീസ്: മാഞ്ചസ്റ്റര്‍ നൈറ്റ് വിജിലിന്റെ ഒമ്പതാം വാര്‍ഷികം ഇന്ന് ലോങ്ങ്‌സൈറ്റ് സെന്റ് ജോസഫ് ദേവാലയത്തില്‍. ജീസസ് യൂത്ത് മാഞ്ചസ്റ്റര്‍ നേതൃത്വം നല്‍കുന്ന മാഞ്ചസ്റ്റര്‍ നൈറ്റ് വിജില്‍ ഇന്ന് (170616) ഒന്‍പതാം വാര്‍ഷികം ആഘോഷിക്കുന്നു. കഴിഞ്ഞ 9 വര്‍ഷങ്ങളില്‍ എല്ലാ മാസവും മൂന്നാമത്തെ വെള്ളിയാഴ്ചകളില്‍ നൈറ്റ് വിജില്‍ നടത്തി വരുന്ന ഖ്യാതിയോടെയാണ് മാഞ്ചസ്റ്റര്‍ ജീസസ് യൂത്ത് പ്രവര്‍ത്തകര്‍ ഇപ്രാവശ്യം നൈറ്റ് വിജിലിനൊരുങ്ങുന്നത്. ദൈവത്തിന്റെ അനന്തമായ കൃപയും കരുതലും ഒന്ന് കൊണ്ട് മാത്രമാണ് ഇക്കഴിഞ്ഞ 9 വര്‍ഷങ്ങളില്‍ നൈറ്റ് വിജില്‍ മുടങ്ങാതെ നടത്താന്‍ സാധിച്ചതെന്ന് ജീസസ് യൂത്ത് പ്രവര്‍ത്തകര്‍ അടിയുറച്ച് വിശ്വസിക്കുന്നു.
ലോങ്ങ്‌സൈറ്റ് സെന്റ്. ജോസഫ് ദേവാലയത്തില്‍ നടക്കുന്ന നൈറ്റ് വിജിലിന് റവ. ഫാ. ജിന്‍സണ്‍ മുട്ടത്തുകുന്നേല്‍ ആണ് നേതൃത്വം നല്‍കുന്നത്. നാളെ രാത്രി 9 മണി മുതല്‍ വെളുപ്പിന് 2 മണി വരെയാണ് നൈറ്റ് വിജില്‍ ക്രമീകരിച്ചിരിക്കുന്നത്. ആഘോഷമായ വി. കുര്‍ബ്ബാന, അനുരഞ്ജന ശുശ്രൂഷ, വചനാഗ്‌നി ചൊരിയുന്ന പ്രഭാഷണങ്ങള്‍, ആത്മീയാഭിഷേകം തുളുമ്പുന്ന സ്തുതിപ്പുകള്‍, ഹൃദയത്തെ തൊട്ടുണര്‍ത്തുന്ന ഗാനങ്ങള്‍, ആന്തരിക ശുദ്ധി പകരുന്ന ആരാധന എന്നിവ നൈറ്റ് വിജിലിന്റെ ഭാഗമായി ഉണ്ടായിരിക്കും. മാഞ്ചസ്റ്റര്‍ നൈറ്റ് വിജിലിന്റെ ഒന്‍പതാം വാര്‍ഷികം ആഘോഷിക്കുന്ന വേളയില്‍ ദൈവീകാനുഗ്രഹങ്ങള്‍ പ്രത്യേകം പ്രാപിക്കുന്നതിനായി ഏവരെയും സ്വാഗതം ചെയ്യുന്നതായി മാഞ്ചസ്റ്റര്‍ ജീസസ് യൂത്ത് ടീമംഗങ്ങള്‍ അറിയിക്കുന്നു.
കൂടുതല്‍ വിവരങ്ങള്‍ക്ക്:
ജോബി വര്‍ഗീസ്: 07825871317
ജെയ്‌സന്‍ മെച്ചേരില്‍: 07915652674
വിലാസം:
St. Joseph Church
Portland Crescent
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല