സാബു ചുണ്ടക്കാട്ടില്‍
മാഞ്ചസ്റ്റര്‍: കേരളാ കാത്തലിക് അസോസിയേഷന്‍ ഓഫ് മാഞ്ചസ്റ്ററി (കെസിഎഎം)ന്റെ മദേഴ്‌സ് ഡേ ആഘോഷം ഇന്ന് നടക്കും. ബാഗുളി സെനറ് മാര്‍ട്ടിന്‍സ് പാരിഷ് ഹാളില്‍ വൈകിട്ട് അഞ്ചു മുതലാണ് പരിപാടികള്‍. അസോസിയേഷന്‍ പ്രസിഡന്റ് ബിജു ആന്റണിയുടെ അധ്യക്ഷതയില്‍ ചേരുന്ന യോഗത്തില്‍ അസോസിയേഷനിലെ മുഴുവന്‍ അമ്മമാരെയും ആദരിക്കും. തുടര്‍ന്ന് വിവിധങ്ങളായ കലാപരിപാടികള്‍, ഗെയിമുകള്‍ എന്നിവയും നടക്കും.
ഒട്ടേറെ മികവാര്‍ന്ന പ്രവര്‍ത്തനങ്ങളിലൂടെ മാഞ്ചസ്റ്റര്‍ മലയാളികളുടെ ജീവിതത്തിന്റെ ഭാഗമായി മാറിയ കാത്തലിക് അസോസിയേഷന്‍ മാതൃത്വത്തെ അംഗീകരിക്കുന്നതിന്റെ ഭാഗമായിട്ടാണ് പരിപാടി സംഘടിപ്പിക്കുന്നതെന്ന് ഭാരവാഹികള്‍ അറിയിച്ചു. പരിപാടികളെ തുടര്‍ന്ന് ഷെയേര്‍ഡ് ടേബിളോടെയാകും പരിപാടികള്‍ സമാപിക്കുക. ആഘോഷപരിപാടികളില്‍ പങ്കെടുക്കാന്‍ മുഴുവന്‍ അസോസിയേഷന്‍ കുടുംബങ്ങളെയും സെക്രട്ടറി നോയല്‍ ജോര്‍ജ് സ്വാഗതം ചെയ്യുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല