സാബു ചുണ്ടക്കാട്ടില്‍
കേരളാ കാത്തലിക് അസോസിയേഷന്‍ ഓഫ് മാഞ്ചസ്റ്ററിന്റെ (കെസിഎഎം) ഓണാഘോഷ പരിാപടികള്‍ പ്രൗഢഗംഭീരമായി നടന്ന. ബാഗുളി സെന്റ് മാര്‍ട്ടിനസ് ഹാളില്‍ നടന്ന ആഘോഷ പരിപാടികള്‍ അസോസിയേഷന്‍ പ്രസിഡന്റ് ബിജു ആന്റണിി ഉദ്ഘാടനം ചെയ്തു. സെക്രട്ടറി നോയല്‍ ജോര്‍ജ് ഏവര്‍ക്കും സ്വാഗതം ആശംസിച്ചു. നിത്യസഹായ മാതാവിനോടുള്ള നൊവേനയോടുകൂടിയാണ് പരിപാടികള്‍ക്ക് തുടക്കമായത്. തുടര്‍ന്ന് കുട്ടികള്‍ക്കും മുതിര്‍ന്നവര്‍ക്കുമായി വിവിധ മത്സരങ്ങളും വിഭവ സമൃദ്ധമായ ഓണസദ്യയും നടന്നു.
അസോസിയേഷന്‍ കുടുംബങ്ങള്‍ തമ്മിലുള്ള ഐക്യം ഊട്ടിയുറപ്പിക്കുന്നതിന്റെ ഭാഗമായി ഓണസദ്യയ്ക്ക് ആവശ്യമായ വിഭവങ്ങള്‍ അസോസിയേഷന കുടുംബങ്ങള്‍തന്നെ വീടുകളില്‍നിന്നും എത്തിക്കുകയായിരുന്നു. പതിനെട്ടുകൂട്ടം കറികളുമായി വിളമ്പിയ ഓണസദ്യ ഏവരും നന്നേ ആസ്വദിച്ചു. പരിപാടികളുടെ വിജയത്തിനായി സഹകരിച്ച ഏവര്‍ക്കും പ്രസിഡന്റ് ബിജു ആന്റണി നന്ദി രേഖപ്പെടുത്തി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല