സ്വന്തം ലേഖകന്‍: പുറത്തിറങ്ങി 23 വര്‍ഷത്തിനു ശേഷം മണിച്ചിത്രത്താഴിന് ഒരു കിടിലന്‍ ട്രെയിലര്‍. പഴയ സൂപ്പര്‍ ഹിറ്റ് ചിത്രങ്ങള്‍ക്ക് കിടിലന്‍ ട്രെയിലറുകള്‍ ഉണ്ടായിരുന്നെങ്കില്‍ എന്ന് ചിന്തിക്കുന്നവര്‍ക്ക് സന്തോഷ വാര്‍ത്തയുമായാണ് സൂപ്പര്‍ഹിറ്റ് സൈക്കോളജിക്കല്‍ ത്രില്ലര്‍ ചിത്രമായ മണിച്ചിത്രത്താഴിന്റെ പുതിയ ട്രെയിലര്‍ എത്തിയിരിക്കുന്നത്.
ഫാസില്‍ സംവിധാനം ചെയ്ത് 1993ല്‍ പുറത്തിറങ്ങിയ മണിച്ചിത്രത്താഴിന് 23 കൊല്ലങ്ങള്‍ക്കിപ്പുറം ഒരു ട്രെയിലര്‍ ഉണ്ടാകുമ്പോള്‍ യുട്യൂബില്‍ അതിന് വന്‍ വരവേല്‍പ്പാണ് ലഭിക്കുന്നത്. കളക്ഷന്‍ റെക്കോര്‍ഡുകള്‍ തിരുത്തിയെഴുതിയ മണിച്ചിത്രത്താഴിലൂടെ ശോഭനക്ക് മികച്ച നടിക്കുള്ള ദേശീയ പുരസ്‌കാരം ലഭിച്ചിരുന്നു.
ഈ ചിത്രത്തിന്റെ തകര്‍പ്പന്‍ ജയം പത്തുവര്‍ഷങ്ങള്‍ക്ക് ശേഷമാണെങ്കിലും ഇന്ത്യയിലെ വിവിധ ഭാഷകളില്‍ പുനര്‍നിര്‍മ്മിക്കുവാന്‍ കാരണമായി. കന്നടയില്‍ ആപ്തമിത്ര, തമിഴിലും തെലുങ്കിലും ചന്ദ്രമുഖി, ഹിന്ദിയില്‍ ഭൂല്‍ ഭുലയ്യ എന്നീ പേരുകളിലാണ് ഇറങ്ങിയത്. എല്ലാ ചിത്രങ്ങളും വന്‍ വിജയമാണ് നേടിയത്.
അരുണ്‍ പിജിയാണ് മണിച്ചിത്രത്താഴിലെ രംഗങ്ങള്‍ കോര്‍ത്തിണക്കി മനോഹരമായ ട്രെയിലര്‍ ഒരുക്കിയത്. മികച്ച പ്രതികരണമാണ് ഇതിനകം തരംഗമായ ട്രെയിലറിന് ലഭിക്കുന്നത്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല