മലയാളി അസോസിയേഷന്‍ ഓഫ് പോര്‍ട്ട്‌ മൌത്തിന്റെ ആഭിമുഖ്യത്തില്‍ സ്വാതന്ത്ര്യ ദിനാഘോഷങ്ങളും, സ്പോര്‍ട്സ് ഡേയും സംയുക്തമായി 18ന് മൌണ്ട് ബട്ടന്‍ സ്റ്റേഡിയത്തില്‍ നടക്കും. കഴിഞ്ഞ വര്‍ഷം സ്പോര്‍ട്സ് ഡേയില്‍ പങ്കെടുത്ത അംഗങ്ങള്‍ പ്രദര്‍ശിപ്പിച്ച ആവേശവും, ഉത്സാഹവും കണക്കിലെടുത്ത് എല്ലാവിധ സൌകര്യങ്ങളോടും കൂടി സജ്ജീകരിക്കപ്പെട്ട.മൌണ്ട് ബാറ്റന്‍ സ്റ്റേഡിയമാണ് ഈ വര്‍ഷത്തെ കായിക മത്സരങ്ങള്‍ക്ക് വേദിയാകുന്നത്‌.
നാം നയിക്കുന്ന നാഗരിക ജീവിതത്തിന്‍റെ സമ്മര്‍ദങ്ങളില്‍ നിന്നും നിന്നും മനസിനെ മോചിപ്പിക്കാനുള്ള സുവര്‍ണ അവസരമായാണ്‌ പോര്‍ട്ട്‌ മൌത്ത് മലയാളികള്‍ ഈ കായിക ദിനത്തെ കണക്കാക്കുന്നത്. അതുകൊണ്ട് തന്നെ ഗ്രാമീണ തനിമയാര്‍ന്ന വിനോദോപാധികള്‍ക്കാണ് പ്രാമുഖ്യം.തവള ചാട്ടം, കബഡി മത്സരം, ക്രിക്കറ്റിനു ജന്മം നല്‍കിയ കുട്ടിയും കോലും. കസേരകളി, ഓട്ടവും, വടം വലിയും ഈ വിനോദ ദിനത്തിന്‍റെ മുഖ്യ ആകര്‍ഷണങ്ങളാണ്.
പൊന്‍ ചിങ്ങ മാസത്തില്‍ കൊയ്തൊഴിഞ്ഞ നെല്‍പ്പാടങ്ങളില്‍ അരങ്ങേറുന്ന ആഹ്ലാദാരവങ്ങളോടെയുള്ള കായിക
വിനോദങ്ങള്‍ക്കാണ് 18ന് പോര്‍ട്ട്‌ മൌത്തിലെ മൌണ്ട് ബാറ്റന്‍ സ്റ്റേഡിയം സാക്ഷിയാകുന്നത്.
വിലാസം:
Mount batten Leisure centre ground
Ports mouth, PO29 QA
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല