സാബു ചുണ്ടക്കാട്ടില്‍
മാഞ്ചസ്റ്റര്‍: കണ്ണിനും കാതിനും കുളിര്‍മയേകി കേരളാ കാത്തലിക് അസോസിയേഷന്‍ ഓഫ് മാഞ്ചസ്റ്ററിന്റെ ക്രിസ്തുമസ് കരോള്‍ സാന്റായാത്ര ആരംഭിച്ചു. വാദ്യോപകരണങ്ങളുടെ അകമ്പടിയോടെ 14 മുതലാണ് സാന്റായാത്ര ആരംഭിച്ചത്. 21-ന് സ്‌റ്റോക്ക് പോര്‍ട്ടില്‍ കരോള്‍ സമാപിക്കും. കുട്ടികളും മുതിര്‍ന്നവരും ഉള്‍പ്പെടെ അസോസിയേഷന്‍ കുടുംബങ്ങള്‍ വിവിധ ഗ്രൂപ്പുകളായിട്ടാണ് കരോളില്‍ പങ്കെടുക്കുന്നത്.
അസോസിയേഷന്റെ ക്രിസ്മസ് ആഘോഷപരിപാടികള്‍ ജനുവരി 7ന് വിഥിന്‍ഷോ സെന്റ് ആന്റണീസ് സ്‌കൂള്‍ ഹാളില്‍ രാവിലെ 10 മണിക്ക് ദിവ്യബലിയോടെ ആരംഭിക്കും. കെ.സി.എ.എം. കലാപ്രതിഭകളുടെ കലാപരിപാടികളും ഗാനമേളയും, ക്രിസ്തുമസ് ഡിന്നറും ഉണ്ടായിരിക്കും. ആഘോഷങ്ങളില്‍ പങ്കെടുക്കുവാന്‍ ഏവരെയും പ്രസിഡന്റ് ജോസ് ജോര്‍ജ് സ്വാഗതം ചെയ്തു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല