സാബു ചുണ്ടക്കാട്ടില്‍
മാഞ്ചസ്റ്റര്‍ മലയാളി കള്‍ച്ചറല്‍ അസോസിയേഷന്റെ ഓണാഘോഷ പരിപാടികള്‍ ശനിയാഴ്ച്ച നടക്കും. രാവിലെ 10.30 മുതല്‍ ടിമ്പര്‍ലി മെതോഡിസ്റ്റ് ചര്‍ച്ച് ഹാളിലാണ് പരിപാടികള്‍. അസോസിയേഷന്‍ കുടുംബങ്ങള്‍ ചേര്‍ന്ന് പൂക്കളം ഒരുക്കുന്നതോടെ പരിപാടികള്‍ക്ക് തുടക്കമാകും. തുടര്‍ന്ന് കുട്ടികള്‍ക്കായുള്ള വിവിധ മത്സരങ്ങളും വടംവലി മത്സരവും നടക്കും. ഇതേതുടര്‍ന്ന് വിഭവ സമൃദ്ധമായ ഓണസദ്യ വിളമ്പും. തുടര്‍ന്ന് നടക്കുന്ന സമ്മേളനത്തില്‍ അസോസിയേഷന്‍ പ്രസിഡന്റ് മനോജ് സെബാസ്റ്റിയന്‍ അധ്യക്ഷത വഹിക്കും. സെക്രട്ടറ സായി ഫിലിപ്പ് ഏവര്‍ക്കും സ്വാഗതം ആശംസിക്കുന്നതോടെ കലാപരിപാടികള്‍ക്ക് തുടക്കമാകും.
തുടര്‍ന്ന് വാദ്യമേളങ്ങളുടെ അകമ്പടിയോടെ മാവേലിക്ക് സ്വീകരണം നല്‍കും. കുട്ടികളുടെയും മുതിര്‍ന്നവരുടെയും വിവിധങ്ങളായ കലാപരിപാടികള്‍ ഏവര്‍ക്കും മികച്ച വിരുന്നാകും. ഇതേ തുടര്‍ന്ന് നടക്കുന്ന ജനറല്‍ ബേഡിയില്‍ അടുത്ത രണ്ട് വര്‍ഷക്കാലത്തേക്കുള്ള ഭാരവാഹികളുടെ തെരഞ്ഞെടുപ്പും നടക്കും. ഓണാഘോഷ പരിപാടികളില്‍ കുടുംബസമേതം പങ്കെടുക്കുവാന്‍ മുഴുവന്‍ അസോസിയേഷന്‍ കുടുംബങ്ങളെയും എക്‌സിക്യൂട്ടീവ് കമ്മറ്റിക്ക് വേണ്ടി സെക്രട്ടറി സായി ഫിലിപ്പ് സ്വാഗതം ചെയ്യുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല