സാബു ചുണ്ടക്കാട്ടില്‍
മാഞ്ചെസ്റ്റര്‍ മലയാളി കള്‍ച്ചറല്‍ അസോസിയേഷന്‍ ഓണാഘോഷം സെപ്റ്റംബര്‍ 15ന് വിപുലമായ പരിപാടികളോടെ നടക്കും. വിഥിന്‍ഷോ സെന്റ്‌ ആന്റണീസ് സ്കൂള്‍ ഓഡിറ്റോറിയത്തില്‍ രാവിലെ ഒന്‍പതരയ്ക്ക് വിവിധ മത്സരങ്ങളോടെ പരിപാടികള്‍ക്ക് തുടക്കമാവും.
ഉച്ചയ്ക്ക് 12 ന് വിഭവ സമൃദ്ധമായ ഓണസദ്യ. തുടര്‍ന്നു അസോസിയേഷന്‍ പ്രസിഡന്റ്‌ അലക്സ് വര്‍ഗീസിന്റെ അധ്യക്ഷതയില്‍ ചേരുന്ന യോഗത്തില്‍ സാമൂഹിക- സാസ്കാരിക- രാഷ്ട്രീയ രംഗത്തെ പ്രമുഖര്‍ പങ്കെടുക്കും. കുട്ടികളുടെയും മുതിര്‍ന്നവരുടെയും വിവിധ കലാപരിപാടികളും മഹാബലിയ്ക്ക് സ്വീകരണവും ഗാനമേളയും ആഘോഷങ്ങളുടെ ഭാഗമാവും.
പരിപാടികള്‍ അവതരിപ്പിക്കാന്‍ താല്‍പ്പര്യം ഉള്ളവര്‍ ഈ മാസം 30 നു മുമ്പായി താഴെ പറയുന്ന നമ്പരില്‍ ബന്ധപ്പെട്ടു പേരുകള്‍ രജിസ്റ്റര്‍ ചെയ്യേണ്ടതാണ്. ജെസി സന്തോഷ്‌- 07963341888 , ആന്‍സി ജോയി- 07530417215.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല