സാബു ചൂണ്ടക്കാട്ടില്‍
മാഞ്ചസ്റ്റര്‍ മലയാളി അസോസിയേഷന്റെ ആഭിമുഖ്യത്തില്‍ നോര്‍ത്ത് വെയില്‍സിലേക്ക് നടത്തിയ ഏകദിന വിനോദയാത്ര ഏവര്‍ക്കും നവ്യാനുഭവം പകര്‍ന്നു. ക്രിക്കറ്റ്, ഫുട്‌ബോള്‍, വോളിബോള്‍, കബഡി ഉള്‍പ്പെടെയുള്ള ഇഷ്ടവിനോദങ്ങളില്‍ മുതിര്‍ന്നവരും കുട്ടികളും ഒത്തുചേര്‍ന്നതോടെ ്‌സോസിയേഷന്‍ കുടുംബങ്ങള്‍ തമ്മിലുള്ള ബന്ധം ഭദ്രമാക്കുവാന്‍ ഉപകരിച്ചതായി ഭാരവാഹികള്‍ പറഞ്ഞു.
രാവിലെ 9മണിക്ക് മാഞ്ചസ്റ്ററില്‍ നിന്നും കോച്ചില്‍ യാത്ര തിരിച്ച സംഘം നോര്‍ത്ത് വെയില്‍സിലെ വിവിധ ബീച്ചുകള്‍ സന്ദര്‍ശിച്ചു. അസോസിയേഷന്‍ പ്രസിഡന്റ് അലക്‌സ് വര്‍ഗീസ്, സെക്രട്ടറി സാജന്‍ ചാക്കോ, ട്രഷറര്‍ സന്തോഷ് സ്‌കറിയ തുടങ്ങിയവരുടെ നേതൃത്വത്തിലാണ് വിനോദയാത്ര നടത്തിയത്. രാത്രി വൈകി സംഘം മാഞ്ചസ്റ്ററില്‍ തിരിച്ചെത്തി.പരിപാടിയുടെ വിജയത്തിനായി സഹകരിച്ച ഏവര്‍ക്കും സെക്രട്ടറി സാജന്‍ ചാക്കോ നന്ദിരേഖപ്പെടുത്തി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല