സ്വന്തം ലേഖകൻ: സൗദി അറേബ്യയിലെ പുതിയ വിനോദസഞ്ചാര കേന്ദ്രമായി വളരുന്ന നിയോൺ സിറ്റിയിലെ ആദ്യത്തെ ആഡംബര ദീപായ സിന്ദാല ടൂറിസ്റ്റുകൾക്കായി തുറന്നു. 2022 ഡിസംബറിൽ കിരീടാവകാശിയും നിയോം ബോർഡ് ഓഫ് ഡയറക്‌ടേഴ്‌സ് ചെയർമാനുമായ മുഹമ്മദ് ബിൻ സൽമാൻ ആദ്യമായി പ്രഖ്യാപിച്ച സിന്ദാലയുടെ ഉദ്ഘാടനം നിയോമിന്‍റെ വികസനത്തിലെ ആവേശകരമായ നാഴികക്കല്ലാണ്.
വടക്ക് പടിഞ്ഞാറൻ സൗദി അറേബ്യയിലെ നിയോം തീരപ്രദേശത്ത് നിന്ന് അഞ്ച് കിലോമീറ്റർ അകലെ ചെങ്കടലിലെ നീല ജലാശയത്തിൽ സ്ഥിതി ചെയ്യുന്ന സിന്ദല, 840,000 ചതുരശ്ര മീറ്റർ വ്യാപിച്ചുകിടക്കുന്നു, യൂറോപ്യൻ, സൗദി, ജിസിസി യാച്ച് ഉടമകൾക്ക് എളുപ്പത്തിൽ പ്രവേശനം നൽകുന്ന ചെങ്കടലിലേക്കുള്ള ഗേറ്റ്‌വേ ആയി ദ്വീപ് പ്രവർത്തിക്കും. ദ്വീപിന്‍റെ പ്രകൃതിസൗന്ദര്യത്തെ സാങ്കേതിക വിദ്യാധിഷ്ഠിത രൂപകൽപ്പനയും വാസ്തുവിദ്യാ മികവും കൊണ്ട് സിന്ദാല സമന്വയിപ്പിക്കുന്നു.
2028-ഓടെ പ്രതിദിനം 2,400 അതിഥികളെ സ്വാഗതം ചെയ്യുന്ന തരത്തിൽ സജ്ജീകരിച്ചിരിക്കുന്ന സിന്ദാല, സൗദി വിഷൻ 2030 ന് അനുസൃതമായി രാജ്യത്തിന്‍റെ വളർന്നുവരുന്ന ഹോസ്പിറ്റാലിറ്റി, ടൂറിസം വ്യവസായങ്ങളെ പിന്തുണയ്ക്കുകയും സമ്പദ്‌വ്യവസ്ഥയുടെ വൈവിധ്യവൽക്കരണത്തിന് സഹായിക്കുകയും ചെയ്യുന്ന ഏകദേശം 3,500 തൊഴിലവസരങ്ങൾ സൃഷ്ടിക്കുമെന്ന് നിയോം ചീഫ് എക്സിക്യൂട്ടീവ് ഓഫീസർ നദ്മി അൽ-നസ്ർ പറഞ്ഞു. കിരീടാവകാശി മുഹമ്മദ് ബിൻ സൽമാന്‍റെയും സൗദി വിഷൻ 2030ന്‍റെയും ദീർഘവീക്ഷണമുള്ള നേതൃത്വത്തിന്‍റെ സാക്ഷ്യമാണ് ചെങ്കടലിലേക്കുള്ള കവാടമായ ഈ സുപ്രധാന ലക്ഷ്യസ്ഥാനത്തിന്‍റെ സാക്ഷാത്കാരമെന്നും അദ്ദേഹം കൂട്ടിച്ചേർത്തു.
ശ്രദ്ധേയമായ ഒരു സമുദ്ര ആവാസവ്യവസ്ഥയാണ് സിന്ദാലയ്ക്ക് ഉള്ളത്. ദ്വീപിന് ചുറ്റുമുള്ള ജലാശയങ്ങളിൽ 1,100 ഇനം മത്സ്യങ്ങൾ ഉണ്ടെന്നാണ് കണക്കാക്കപ്പെടുന്നത്. ഇവയിൽ 45 എണ്ണം നിയോമിൽ മാത്രം കാണപ്പെടുന്നതാണ്. കൂടാതെ 300ലധികം പവിഴ സ്പീഷീസുകളും ഇവിടെയുണ്ട്. വെള്ളത്തിനടിയിലെ അത്ഭുതങ്ങൾ അത്ഭുതങ്ങൾ ആസ്വദിക്കാനുള്ള അവസരം സിന്ദാല സഞ്ചാരികൾക്ക് നൽകും. തന്ത്രപ്രധാനമായ സ്ഥാനവും വർഷം മുഴുവനും സുഖകരമായ കാലാവസ്ഥയുമാണ് സിന്ദാലയുടെ സവിശേഷത.
സ്റ്റെഫാനോ റിച്ചി രൂപകൽപ്പന ചെയ്ത സിന്ദാല യാച്ച് ക്ലബ്, മറീനയുടെ കേന്ദ്രബിന്ദുവായി പ്രവർത്തിക്കുന്നു, യാച്ചിങ് അതിഥികളെയും ഉടമകളെയും ജീവനക്കാരെയും അതിന്‍റെ സൗകര്യങ്ങൾ ആസ്വദിക്കാൻ സ്വാഗതം ചെയ്യുന്നു. മറീനയിൽ ഡോക്കിങ് സൗകര്യങ്ങൾ, സൂപ്പർ യാച്ചുകൾക്കുള്ള ഓഫ്‌ഷോർ ബോയ്‌കൾ, യാച്ച് മാനേജ്‌മെന്‍റ് സേവനങ്ങളുടെ സമഗ്രമായ സ്യൂട്ട് എന്നിവ ഉൾപ്പെടുന്നു.
ലോകോത്തര ഹോസ്പിറ്റാലിറ്റി, ഫൈൻ ഡൈനിങ്ങ്, ക്യുറേറ്റഡ് അനുഭവങ്ങൾ എന്നിവയെ എല്ലാം ഉൾക്കൊള്ളുന്ന ഒരു ലക്ഷ്യസ്ഥാനമാണ് സിന്ദാല. ലോകപ്രശസ്ത ഷെഫുകൾ, പകൽ ഭക്ഷണശാലകൾ, രാത്രി വൈകിയുള്ള വേദികൾ, 36 ആഡംബര റീട്ടെയിൽ ഔട്ട്‌ലെറ്റുകൾ എന്നിവ ഇവിടെയുണ്ട്. ബീച്ച് ക്ലബ് പകൽ സമയം പൂൾസൈഡ് ലോഞ്ചിങ് രാത്രിയിൽ ആകർഷകമായ സംഗീതാനുഭവങ്ങളും വാഗ്ദാനം ചെയ്യുന്നു.
അതേസമയം ബീച്ച് ഫ്രണ്ട് ഗോൾഫ് ക്ലബ് എല്ലാ നൈപുണ്യ തലങ്ങൾക്കും ഉയർന്ന ഗോൾഫിംഗ് അനുഭവം നൽകുന്നു. അതിഥികൾക്ക് 440 മുറികൾ, 88 വില്ലകൾ, 218 ആഡംബര സർവീസ് അപ്പാർട്ട്‌മെന്‍റുകൾ എന്നിവയുൾപ്പെടെയുള്ള വിപുലമായ താമസസൗകര്യങ്ങളും ഇവിടെ ഒരുക്കിയിട്ടുണ്ട്. നിയോമിന്‍റെ ടൂറിസം ചാനലുകൾ വഴി ബുക്കിങ് വിവരങ്ങൾ ഉടൻ ലഭ്യമാകും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല