മെക്‌സിക്കോയിലെ ഏറ്റവും ഉയരം കൂടിയ പര്‍വതമാണ് പികൊ ഡെ ഒറിസബാ. വിനോദത്തിനും സാഹസത്തിനുമായി ആളുകള്‍ മൗണ്ടന്‍ ക്ലൈംബിംഗ് നടത്തുന്ന സ്ഥലമാണിത്. മഞ്ഞ് മൂടി കിടക്കുന്ന ഈ മലനിരയില്‍നിന്ന് കഴിഞ്ഞ ദിവസം 55 വര്‍ഷത്തോളം പഴക്കമുള്ള രണ്ട് മൃതദേഹങ്ങള്‍ കണ്ടെടുത്തു.
എന്‍എച്ച്എസിനെക്കുറിച്ചുള്ള നിര്‍ണായകമായ റിപ്പോര്‍ട്ട് ആരോഗ്യ സെക്രട്ടറി ജെറമി ഹണ്ട് മുക്കിയെന്ന് ആരോപണം. മുന്‍ മാര്‍ക്ക്‌സ് ആന്‍ഡ് സ്‌പെന്‍സര്‍ മേധാവിയും ടോറി അംഗവുമായ സ്റ്റുവര്‍ട്ട് റോസ് തയാറാക്കിയ റിപ്പോര്‍ട്ട് ജെറമി ഹണ്ട് കമ്മീഷന്‍ ചെയ്തതാണ്.
യൂറോപ്യന്‍ യൂണിയന്‍ അംഗരാജ്യങ്ങളില്‍നിന്നും കുടിയേറ്റ നിയന്ത്രണം എടുത്തു കളഞ്ഞതു മുതല്‍ യൂറോപ്പിലെ ദരിദ്ര രാജ്യങ്ങളില്‍നിന്ന് ബ്രിട്ടണിലേക്ക് തൊഴിലിനായി രജിസ്റ്റര്‍ ചെയ്യുന്നവരുടെ എണ്ണം ഏഴു മടങ്ങ് വര്‍ദ്ധിച്ചുവെന്ന് കണക്കുകള്‍. റൊമാനിയ ബള്‍ഗേറിയ എന്നിവിടങ്ങളില്‍നിന്നുള്ളവര്‍ക്ക് 2014ല്‍ 187,370 നാഷ്ണല്‍ ഇന്‍ഷുറന്‍സ് നമ്പര് നല്‍കിയിട്ടുണ്ടെന്ന് ഔദ്യോഗികമായ കണക്കുകള്‍ സൂചിപ്പിക്കുന്നു. അതിന് മുന്‍പുള്ള വര്‍ഷം അത 27,700 മാത്രമായിരുന്നു.
റഷ്യന്‍ പ്രതിപക്ഷ നേതാവ് ബോറിസ് നെംസോവിന്റെ കൊലപാതകവുമായി ബന്ധപ്പെട്ട് രണ്ടു പേര്‍ അറസ്റ്റിലായി. ഫെഡറല്‍ സെക്യൂരിറ്റി സര്‍വീസ് (എഫ്.എസ്.ബി) ആണ് ഇക്കാര്യം അറിയിച്ചത്. അന്‍മസാര്‍ ഗുബഷേവ്, സൗര്‍ ദാദയേവ് എന്നിവരാണ് ശനിയാഴ്ച പിടിയിലായത്.
കിഴക്കന്‍ യൂറോപ്യന്‍ രാജ്യങ്ങളില്‍ ലിംഗസമത്വത്തിന്റെ കാര്യത്തില്‍ ബ്രിട്ടണ്‍ ഏറെ പിന്നില്‍. റഷ്യയാണ് ഈ പട്ടികയില്‍ മുന്നില്‍. പുടിന്റെ രാജ്യത്തെ 40 ശതമാനം സീനിയര്‍ ബിസിനസ് റോളുകളിലും സ്ത്രീകളാണുള്ളത്. ബ്രിട്ടണിലാകട്ടെ ഇത് 22 ശതമാനം മാത്രമാണ്.
ബ്രിട്ടണില്‍ ഏറെ ചര്‍ച്ചകള്‍ക്കും കോലാഹലങ്ങള്‍ക്കും വഴിവെച്ച ഫ്രീ സ്‌കൂള്‍ പദ്ധതിയെ പ്രധാനമന്ത്രി ഡേവിഡ് കാമറൂണ്‍ വീണ്ടും പൊടിതട്ടിയെടുക്കുന്നു. വീണ്ടും ഭരണത്തിലെത്തിയാല്‍ നടപ്പാക്കാന്‍ പോകുന്ന പദ്ധതി എന്ന നിലയ്ക്കായിരിക്കും 153 പുതിയ സൗജന്യ സ്‌കൂളുകള്‍ കൂടി കാമറൂണ്‍ പ്രഖ്യാപിക്കുക എന്നറിയുന്നു.
വിരമിക്കലിന്‌ശേഷമാണ് ബ്രിട്ടീഷുകാര്‍ ഏറ്റവും അധികം മദ്യപിക്കുന്നത്. മദ്യപാന ശീലങ്ങളെക്കുറിച്ച് നടന്നൊരു പഠനത്തിലാണ് ഈ കണ്ടെത്തല്‍. ലണ്ടന്‍ യൂണിവേഴ്‌സിറ്റി കോളജിലെ ഗവേഷകരാണ് ഇത് സംബന്ധിച്ച് പഠനം നടത്തിയത്. ഇതാദ്യമായാണ് ഇത്തരത്തിലൊരു പഠനം നടത്തുന്നത്.
ലണ്ടനില്‍നിന്നുള്ള മൂന്ന് സ്‌കൂള്‍ വിദ്യാര്‍ത്ഥികള്‍ ഇസ്ലാമിക് സ്റ്റേറ്റില്‍ ചേരുന്നതിനായി സിറിയയിലേക്ക് പോയ സംഭവത്തില്‍ പൊലീസിനെതിരെ വിമര്‍ശനവുമായി പെണ്‍കുട്ടികളുടെ മാതാപിതാക്കള്‍. പെണ്‍കുട്ടികളുടെ സുഹൃത്തായ മറ്റൊരു പെണ്‍കുട്ടി സിറിയയിലേക്ക് പോയതുമായി ബന്ധപ്പെട്ട് പൊലീസ് ചോദ്യം ചെയ്തിരുന്ന കാര്യം വീട്ടുകാര്‍ അറിഞ്ഞിരുന്നില്ല.
>ലോകകപ്പ് ക്രിക്കറ്റില്‍ തുടര്‍ച്ചയായി നാല് ജയങ്ങള്‍ സ്വന്തമാക്കി ഇന്ത്യ ടൂര്‍ണമെന്റിന്റെ ക്വാര്‍ട്ടര്‍ ഫൈനലില്‍ കടന്നു. 183 റണ്‍ വിജയലക്ഷ്യവുമായി ഇറങ്ങിയ ഇന്ത്യ 39.1 ഓവറില്‍ ആറു വിക്കറ്റ് നഷ്ടത്തില്‍ ലക്ഷ്യം നേടി. രണ്ട് തവണ ലോകകപ്പ് ചാമ്പ്യന്മാരായിട്ടുള്ള വിന്‍ഡീസിനെയാണ് അതേ സ്റ്റാറ്റിസ്റ്റിക്ക്‌സുള്ള ഇന്ത്യ പെര്‍ത്തിലെ പിച്ചില്‍ തറപറ്റിച്ചത്.
ഇസ്ലാമിക് സ്റ്റേറ്റ് തീവ്രവാദികള്‍ പുറത്തുവിടുന്ന കൊലപാതക വീഡിയോകളില്‍ പ്രത്യക്ഷപ്പെടുന്ന കൊലയാളി മൂഹമ്മദ് എംവാസിയെ പിന്തുണച്ച് വിവാദത്തിലായതിന് പിന്നാലെ വീണ്ടും തീവ്രവാദ അനുകൂല നിലപാടുമായി അസിം ഖുറേഷി. ബിബിസി ന്യൂസ് ചാനലിന്റെ ദ് വീക്ക് എന്ന പ്രതിവാര ചര്‍ച്ചയില്‍ സംസാരിക്കുമ്പോഴായിരുന്നു ഖുറേഷി തന്റെ യാഥാസ്ഥിതിക മുഖത്തിന്റെ കൂടുതല്‍ ആഴങ്ങള്‍ വെളിവാക്കി തന്നത്.
