അല്‍ഷീമേഴ്‌സിന് മരുന്നു കണ്ടുപിടിക്കാനുള്ള പരീക്ഷണങ്ങള്‍ക്ക് നേതൃത്വം നല്‍കുകയാണ് ബ്രിട്ടണില്‍നിന്നുള്ള ശാസ്ത്രജ്ഞര്‍. ഡ്രഗ് ഡിസ്‌കവറി അലയന്‍സ് എന്ന ഗ്രൂപ്പിന് കീഴിലായിരിക്കും ശാസ്ത്രലോകത്തെ പ്രമുഖര്‍ ഉള്‍പ്പെടെയുള്ളവര്‍ ഗവേഷണം നടത്തുക. അല്‍ഷിമേസിനും ഡിമെന്‍ഷ്യക്കും മരുന്ന് കണ്ടുപിടാക്കാത്തത് ലോകത്തെല്ലായിടത്തുമുള്ള രോഗികള്‍ക്ക് നല്‍കുന്നത് ദുരിതമാണ്.

എന്‍എച്ച്എസ് ആശുപത്രികളില്‍ ആക്‌സിഡന്റ് ആന്‍ഡ് എമര്‍ജന്‍സി വിഭാഗത്തില്‍ ജോലി ചെയ്യുന്ന ഡോക്ടര്‍മാര്‍ കൂട്ടരാജി നല്‍കി. തങ്ങളുടെ ഭാവി എന്താകുമെന്ന ആശങ്കയിലാണ് ഡോക്ടര്‍മാര്‍ രാജി സമര്‍പ്പിച്ചതെന്ന് റിപ്പോര്‍ട്ടുകള്‍ സൂചിപ്പിക്കുന്നു.

യൂറോപ്യന്‍ യൂണിയനില്‍നിന്ന് പുറത്തുപോകുമെന്ന മുന്നറിയിപ്പുമായി മുന്‍സ് ചാന്‍സിലര്‍ കെന്‍ ക്ലെര്‍ക്ക്. ബിബിസിയുടെ സണ്‍ഡേ പൊളിറ്റിക്ക്‌സ് ഷോയില്‍ പങ്കെടുത്ത് സംസാരിക്കുമ്പോഴായിരുന്നു ഗ്രീസില്‍ നടന്ന് കൊണ്ടിരിക്കുന്ന രാഷ്ട്രീയ സ്ഥിതിഗതികളെ വിലയിരുത്തിക്കൊണ്ടുള്ള ക്ലെര്‍ക്കിന്റെ പ്രസ്താവന.

യുകെയുടെ സാമ്പത്തിക മേഖല മെച്ചപ്പെട്ട വളര്‍ച്ച കൈവരിക്കുമെന്ന് കോണ്‍ഫെഡറേഷന്‍ ഓഫ് ബ്രിട്ടീഷ് ഇന്‍ഡസ്ട്രീസ് പറഞ്ഞു. മുന്‍പ് പ്രതീക്ഷിച്ചിരുന്നതിനെക്കാളും മെച്ചപ്പെട്ട നിലയില്‍ സാമ്പത്തിക പുരോഗതി കൈവരിക്കുമെന്ന് സിബിഐ പറയുന്നു.

ലിബിയയിലെ ഇസ്ലാമിക് സ്റ്റേറ്റ് ഭീകരര്‍ 21 ഈജിപ്ത്യന്‍ ക്രിസ്ത്യാനികളെ കഴുത്തറുത്ത് കൊലപ്പെടുത്തി. തങ്ങളോട് പ്രതികാരം ചെയ്യു എന്ന് ഈജിപ്ത് പ്രസിഡന്റിനെ വെല്ലുവിളിച്ചാണ് ഭീകരര്‍ കൊലപാതകം നടത്തിയിരിക്കുന്നത്.

ഡെന്‍മാര്‍ക്കിലെ കോപ്പന്‍ഹേഗനില്‍ രണ്ട് പേരുടെ മരണത്തിന് ഇടയാക്കിയ വെടിവെപ്പ് നടത്തിയ അക്രമിയെ പൊലീസ് കൊലപ്പെടുത്തി. ഞായറാഴ്ച്ച വൈകിട്ടോടെ കോപ്പന്‍ഹേഗനിലുണ്ടായ ഏറ്റുമുട്ടലിലാണ് ഇയാളെ പൊലീസ് വെടിവെച്ച് കൊന്നത്.

സ്‌കീയിംഗിനിടെ അപകടത്തില്‍പ്പെട്ട എഫ് വണ്‍ ചാമ്പ്യന്‍ മൈക്കിള്‍ ഷൂമാക്കറുടെ ആശുപത്രി ചെലവുകള്‍ ഞെട്ടിക്കുന്നത്. യുകെയിലെ എക്‌സ്പ്രസ് വെബ്‌സൈറ്റ് പുറത്തുവിട്ട കണക്കുകള്‍ പ്രകാരം ചികിത്സ തുടങ്ങി 14 മാസം പിന്നിടുമ്പോള്‍ ഷൂമാക്കറെ തിരികെ കൊണ്ടു വരുന്നതിനായി കുടുംബം ചെലവാക്കിയത് 10 മില്യണ്‍ പൗണ്ട്.

എന്‍എച്ച്എസ് ആശുപത്രികളില്‍ രോഗികളെ ചികിത്സിക്കാനുള്ള സംവിധാനങ്ങള്‍ ഫലപ്രദമായി ഉപയോഗിക്കാനുള്ള പണമില്ലാതെ ഇരിക്കുമ്പോള്‍ എന്‍എച്ച്എസ് ഓഫീസുകള്‍ മോടി പിടിപ്പിക്കുന്നതിനായി 70 മില്യണ്‍ പൗണ്ടോളം ചെലവാക്കിയ ഹെല്‍ത്ത് സെക്രട്ടറി ജെറമി ഹണ്ടിന്റെ നടപടികള്‍ വിവാദത്തില്‍.

കഴിഞ്ഞ വര്‍ഷം യുകെയില്‍ വെടി കൊണ്ടും അമ്പ് കൊണ്ടും പരുക്കേറ്റത് 1000ത്തില്‍ അധികം പൂച്ചകള്‍ക്കെന്ന് മൃഗസംരക്ഷണ സംഘടനകള്‍. എയര്‍ ഗണ്ണുകളും അമ്പും ഉപയോഗിച്ചാണ് പുച്ചകളെ പരുക്കേല്‍പ്പിക്കാറ്.

പ്രവാചകന്റെ കാര്‍ട്ടൂണ്‍ വരച്ചതിന്റെ പേരില്‍ വധഭീഷണി നേരിടുന്ന സ്വീഡിഷ് കാര്‍ട്ടൂണിസ്റ്റ് പങ്കെടുത്ത യോഗത്തിന് നേരെയുണ്ടായ വെടിവെപ്പില്‍ ഒരാള്‍ കൊല്ലപ്പെട്ടു. മൂന്ന് സുരക്ഷാ ഉദ്യോഗസ്ഥര്‍ക്ക് പരുക്കേറ്റു.