സ്വന്തം ലേഖകന്‍: നൂറ്റാണ്ടിന്റെ ചിരി, കാഴ്ചാ പ്രശ്‌നങ്ങളുള്ള കുഞ്ഞ് ആദ്യമായി മാതാപിതാക്കളെ കാണുന്ന ചിരി വൈറലാകുന്നു. വാഷിംഗടണിലെ ദമ്പതികളായ ഡേവിഡ് ലിയോപോള്‍ഡിന്റേയും ഐറീന്റേയും കുഞ്ഞ് ലിയോപോള്‍ഡ് വില്‍ബര്‍ റിപ്പോണ്‍ഡ് എന്ന ലിയോയാണ് നൂറ്റാണ്ടിന്റെ ചിരി ചിരിച്ച് താരമായത്.
ജനിച്ച് നാലു മാസത്തിന് ശേഷം ആദ്യമായി അമ്മയെ കാണുകയായിരുന്നു ഒ?ക്ലോകട്ടേനിയസ് ആല്‍ബിനിസം എന്ന അപൂര്‍വ രോഗം ബാധിച്ച ലിയോ, ഒക്ലേകട്ടേനിയസ് ആല്‍ബിനിസം ബാധിച്ച കുട്ടികള്‍ക്ക് മങ്ങിയ കാഴ്ച മാത്രമേ ഉണ്ടാകൂ. നാല് മാസത്തിനിടെ നിരവധി ചികിത്സകള്‍ ചെയ്‌തെങ്കിലും ലിയോക്ക് കാഴ്ച ലഭിച്ചില്ല.
ഒടുവില്‍ ലോസാഞ്ചല്‍സിലെ ഒരു നേത്രരോഗ വിദഗ്ദ്ധനാണ് ലിയോയ്ക്ക് കാഴ്ച സമ്മാനിച്ചത്. കെന്നത്ത് റൈറ്റ് പ്രത്യേകം ഡിസൈന്‍ ചെയ്ത കണ്ണട കുട്ടിക്ക് സമ്മാനിച്ചു. ഡേവിഡ് തന്റെ കുടുംബ സുഹൃത്തുക്കളെയെല്ലാം വിളിച്ചു കൂട്ടിയ ശേഷമാണ് ലിയോക്ക് കണ്ണട സമ്മാനിച്ചത്. ആദ്യം ഗ്ലാസ് ധരിച്ചപ്പോള്‍ ഒന്ന് അമ്പരന്നെങ്കിലും അമ്മയുടെ വിളി കേട്ടതോടെ ലിയോ തിരിച്ചറിഞ്ഞ് ചിരിക്കുകയായിരുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല