സ്വന്തം ലേഖകൻ: ഒമാനിലെ എട്ടുവിഭാഗം സാമ്പത്തിക ഇടപാടുകൾക്ക് ഇ പേമെൻറ് സംവിധാനം നിർബന്ധമാക്കി . ഒമാൻ വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയം ആണ് ഇതുസംബന്ധിച്ച ഉത്തരവ് പുറത്തിറക്കിയത്. സ്വർണം, വെള്ളി അടക്കമുളള സാധനങ്ങൾ ഇ പേമെൻറ് വിഭാഗത്തിൽ ഒമാൻ ഉൾപ്പെടുത്തിയിട്ടുണ്ട്. കൂടാതെ ഭക്ഷ്യോൽപന്നങ്ങളുടെ വിൽപന, പച്ചക്കറി, പഴം, റസ്റ്റാറൻറ്, കഫെ, ഇലക്ട്രോണിക് ഉൽപന്നങ്ങൾ, പുകയില വ്യാപാരം, കെട്ടിട നിർമാണ ഉൽപന്നങ്ങൾ എന്നിവക്കാണ് ഇ പേമെൻറ് നിർബന്ധമാക്കിയിരിക്കുന്നത്.
രാജ്യത്തെ ഷോപ്പിങ് കോംപ്ലക്സുകൾ, വാണിജ്യ കേന്ദ്രങ്ങൾ, മാർക്കറ്റുകൾ എന്നിവിടങ്ങളിൽ എല്ലാം ഇടപാടുകൾക്ക് ഇ പേമെൻറ് നിർബന്ധമാണ്. ഒമാൻ പുറത്തിറക്കിയ ലിസ്റ്റിലുള്ള വിഭാഗങ്ങൾക്ക് എല്ലാ സ്ഥാപനങ്ങളിലും ഇ പേമെൻറ് സൗകര്യം നൽകണമെന്നാണ് പുതിയ നിബന്ധനയിൽ പറയുന്നത്. വരുന്ന 20 ദിവസത്തിനുള്ളിൽ ഇത്തരം സ്ഥാപനങ്ങളിൽ ഇ പേമെൻറ് സംവിധാനം നടപ്പിലാക്കണം. രാജ്യത്ത് പുതുതായി വന്നിട്ടുള്ള നിയമത്തിൽ ലംഘനം നടത്തുന്നവർക്ക് 100 റിയാൽ പിഴ ചുമത്തും.
കഴിഞ്ഞ വർഷം മന്ത്രാലയം പുറത്തിറക്കിയ ഉത്തരവ് പ്രകാരം ഈ വർഷം ജനുവരി ഒന്നു മുതൽ ആണ് നിയമം നടപ്പിലാക്കേണ്ടത്. നേരത്തെ പുറപ്പെടുവിച്ച സ്ഥാപനങ്ങൾക്ക് ഇ പേമെൻറ് മെഷീനുകൾക്ക് ആവശ്യമാണെങ്കിൽ ഇവ ഇൻസ്റ്റാൾമെൻറ് അടിസ്ഥാനത്തിൽ നൽകാൻ സൗകര്യം ഒരുക്കുന്നുണ്ട്. ഇതിന് ആവശ്യമായ കാര്യങ്ങൾ ഒരുക്കണമെന്നും സെൻട്രൽ ബാങ്ക് മറ്റു ബാങ്കുകളോട് ആവശ്യപ്പെട്ടിരുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല