സ്വന്തം ലേഖകൻ: സിക്ക് ലീവ് എടുക്കുന്നതുമായി ബന്ധപ്പെട്ട കാര്യങ്ങളിൽ കൂടുതൽ വ്യക്തത വരുത്തി ഒമാൻ. മിനിമം വേതന വിഷയം കൂടുതൽ കൂടിയാലോചനകൾക്കുശേഷം മാത്രമേ നടപ്പാക്കുകയുള്ളു. സിക്ക് ലീവിന്റെ രേഖകൾ സ്വകാര്യ ആശുപത്രിയിൽനിന്നുള്ളതാണെങ്കിൽ ബന്ധപ്പെട്ട അധികാരികളിൽ നിന്നും രേഖകൾ വാങ്ങി ആരോഗ്യ മന്ത്രാലയത്തിന്റെ അംഗീകാരവും നൽകണം എന്ന് തൊഴിൽ മന്ത്രാലയം അധികൃതർ അറിയിച്ചു.
കഴിഞ്ഞ ദിവസം ആണ് തൊഴിൽ മന്ത്രാലയം പുതിയ തൊഴിൽനിയമം പ്രഖ്യാപിച്ചത്. നിയമത്തിന്റെ വിശദാംശങ്ങൾ ചർച്ച ചെയ്യാൻ തൊഴിൽ മന്ത്രാലയത്തിലെ ഹ്യൂമൻ റിസോഴ്‌സസ് ഡെവലപ്‌മെന്റ് അണ്ടർ സെക്രട്ടറി സയ്യിദ് സലിം മുസല്ലം അൽ ബുസൈദിയുടെ സാന്നിധ്യത്തിൽ കഴിഞ്ഞ ദിവസം വാർത്താസമ്മേളനം നടന്നിരുന്നു. ഇതിൽ ആണ് മിനിമം വേതന പ്രശ്‌നത്തിന് കൂടുതൽ കൂടിയാലോചനകൾ ആവശ്യമാണെ കാര്യം അധികൃതർ വ്യക്തമാക്കിയത്.
ജനറൽ ഫെഡറൽ ഓഫ് ഒമാൻ വർക്കേഴ്‌സ് വഴിയുള്ള തൊഴിലാളികൾ, ഒമാൻ ചേംബർ ഓഫ് കോമേഴ്സ് ആൻഡ് ഇൻഡസ്ട്രി തുടങ്ങിയവരുമായി ആലോചിച്ച ശേഷം ആയിരിക്കും കാര്യങ്ങളിൽ തീരുമാനം എടുക്കുന്നത്. സാമ്പത്തിക സാഹചര്യങ്ങൾ കൂടി പരിഗണിച്ചായിരിക്കും മന്ത്രിമാരുടെ കൗൺസിൽ ഇതുമായി ബന്ധപ്പെട്ട തീരുമാനം എടുക്കുന്നത്. നേതൃസ്ഥാനങ്ങൾ ഏറ്റെടുക്കാൻ ഒമാനികളെ പ്രാപ്തരാക്കണം. സാമ്പത്തിക മാറ്റങ്ങളുമായി പൊരുത്തപ്പെടുന്ന തരത്തിലുള്ള മാറ്റങ്ങൾ ആണ് നടത്തിയിരിക്കന്നത്. അവധി ദിവസങ്ങളുടെ എണ്ണം നിയമം വർധിപ്പിച്ചിട്ടുണ്ട്.
തൊഴിൽ അന്തരീക്ഷം ആകർഷകമാക്കുന്ന നടപടിക്രമങ്ങൾ ചെയ്യാൻ തൊഴിൽ ഉടമ ബാധ്യസ്ഥനാണ്. തൊഴിലാളികളെ താൽക്കാലിക അടിസ്ഥാനത്തിൽ വിവിധ സ്ഥാപനങ്ങളിലേക്ക് മാറ്റാൻ നിയമം ഉടമക്ക് അനുവാദം നൽകുന്നുണ്ട്. ഇതിന് മന്ത്രാലയത്തിന്റെ അംഗീകരം വേണം. വിദേശ തൊഴിലാളികളെ റിക്രൂട്ട് ചെയ്യുന്നതിനുള്ള ചെലവ് ലാഭിക്കാൻ സഹായിക്കുന്ന നടപടിയാണ് ഇത്.
തൊഴിൽ രംഗത്തെ മികവു പുലർത്താത്ത തൊഴിലാളിയെ പിരിച്ചു വിടാൻ സാധിക്കും. അതിനുള്ള നിയമം നൽകുന്നുണ്ട്. ആറുമാസത്തെ നോട്ടീസ് പിരീഡ് നൽകണം പിന്നീട് അതേജോലിയിൽ പുതിയ ആളെ നിയമിച്ച ശേഷം ആയിരിക്കണം പഴയ ആളെ പിരിച്ചുവിടേണ്ടത്. സ്വദേശിവത്കരണം നടപ്പിലാക്കുന്നതിന് വേണ്ടി പ്രവാസി തൊഴിലാളികളുടെ സേവനം അവസാനിപ്പിക്കാനുള്ള അനുവാദം കമ്പനികൾക്ക് നൽകുന്ന നിയമം ആണ് ഇപ്പോൾ നൽകുന്നത്.
പുതിയ തൊഴിൽനിയമം രാജ്യത്ത് നിക്ഷേപ അന്തരീക്ഷം മെച്ചപ്പെടുത്തുമെന്ന് ഒമാൻ ചേംബർ ഓഫ് കോമേഴ്സ് ആൻഡ് ഇൻഡസ്ട്രി ചെയർമാൻ ഫൈസൽ അൽ റവാസ് വാർത്താസമ്മേളനത്തിൽ പറഞ്ഞു. തൊഴിലുടമയും ജീവനക്കാരും തമ്മിലുള്ള സന്തുലിതാവസ്ഥ കെെവരിക്കാൻ ഇതിലൂടെ സാധിക്കും. ആഗോള വിപണികൾക്കിടയിൽ ഒമാൻ തൊഴിൽ വിപണി ഉണരാൻ സാധിക്കും.
മത്സരക്ഷമത വർധിപ്പിക്കുന്നതിന് സഹായിക്കും. തൊഴിൽ സ്ഥലങ്ങളിൽ തൊഴിലാളികളുടെ അവകാശങ്ങൾ സംരംക്ഷിക്കണം. തൊഴിലാളികളുടെ പ്രകടനത്തിന്റെയും ഉൽപാദനക്ഷമതയുടെയും ഗുണനിലവാരം മെച്ചപ്പെടുത്തുന്ന തരത്തിലുള്ള പ്രകടനങ്ങൾ ആണ് ന
ത്തേണ്ടതെന്ന് അദ്ദേഹം കൂട്ടിച്ചേർത്തു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല