സ്വന്തം ലേഖകൻ: സ്വകാര്യ മേഖലയിലെ വേതന സംരക്ഷണ വ്യവസ്ഥ നടപ്പാക്കുന്നതുമായി ബന്ധപ്പെട്ട് വ്യവസ്ഥകൾ പുറത്തിറക്കി തൊഴിൽ മന്ത്രാലയം. കഴിഞ്ഞ ദിവസമാണ് ഇതുമായി ബന്ധപ്പെട്ട തീരുമാനം പുറത്തിറക്കിയത്. വേതന സംരക്ഷണ വ്യവസ്ഥ വഴി ജീവനക്കാരുടെ ശമ്പളം കൈമാറിയില്ലെങ്കിൽ പിഴ ചുമത്തും. 50 റിയാൽ ആണ് പിഴ ചുമത്തുക.
നിയമം ലംഘിച്ചാൽ ആദ്യം മുന്നറിയിപ്പ് നൽകും. പ്രാരംഭ വർക് പെർമിറ്റ് നൽകുന്ന പിന്നീട് നിർത്തലാക്കും. അതിന് ശേഷം ആയിരിക്കും പിഴ ചുമത്തുക. തെറ്റ് ആവർത്തിച്ചാൽ പിഴ ഇരട്ടിയാക്കും. അടുത്ത ദിവസം മുതൽ നിയമം പ്രാബല്യത്തിൽ വരും.
തൊഴിൽ മന്ത്രാലയം സെൻട്രൽ ബാങ്കുമായി സഹകരിച്ച് തൊഴിലാളികൾക്ക് വേദനം നൽകാൻ ബാങ്കുകൾ വഴിയോ അല്ലെങ്കിൽ അംഗീകൃതവും അംഗീകാരമുള്ളതുമായ ധനകാര്യ സ്ഥാപനങ്ങൾ വഴിയോ സ്വീകരിക്കാം. തൊഴിലാളികളുടെ ശമ്പളം കൃത്യസമയത്ത് ബാങ്ക് അക്കൗണ്ടുകളിലേക്ക് ട്രാൻസ്ഫർ ചെയ്യുന്നതിലൂടെ കമ്പനികൾ തൊഴിൽ നിയമങ്ങൾ പാലിക്കുന്നുണ്ടെന്ന് ഉറപ്പാക്കാൻ സഹായിക്കുന്നതാണ് വേജ് പ്രൊട്ടക്ഷൻ സിസ്റ്റം.
സ്വകാര്യ മേഖലയിലെ ജീവനക്കാരുടെ ശമ്പളത്തിന്റെ കൃത്യമായ ഡേറ്റാബേസ് തയ്യാറാക്കാനും ഇതിലൂടെ സാധിക്കും. രാജ്യത്തിന്റെ സാമ്പത്തിക പരിഷ്കരണം ശക്തമാക്കാനും സാധിക്കും. തൊഴിലുടമ-തൊഴിലാളി ബന്ധം പ്രോത്സാഹിപ്പിക്കും. കൂടാതെ വേതനവുമായി ബന്ധപ്പെട്ട പ്രശ്നങ്ങൾ കുറക്കാനും സാധിക്കും.
തൊഴിലാളിക്ക് വേതനം നിശ്ചിത ദിവസത്തിനുള്ളിൽ ബാങ്കുകളിലേക്ക് മാറ്റാൻ തൊഴിലുടമ ബാധ്യസ്ഥനാണ്. തൊഴിലാളികളുടെ വേതനത്തിൽ എന്തെങ്കിലും മാറ്റം സംഭവിച്ചാൽ തൊഴിൽ രേഖകൾ അപ്‌ഡേറ്റ് ചെയ്യണം. എന്നാൽ, ചില സന്ദർഭങ്ങളിൽ ഡബ്ല്യു.പി.എസിലൂടെ തൊഴിലാളിയുടെ വേതനം കൈമാറ്റം ചെയ്യുന്നതിൽനിന്ന് തൊഴിലുടമയെ ഒഴിവാക്കിയിട്ടുണ്ട്.
തൊഴിൽ തർക്കം കാരണം തൊഴിലാളി ജോലി നിർത്തുക, നിയമപരമായ സാധുതയില്ലാതെ തൊഴിലാളി സ്വമേധയാ ജോലി ഉപേക്ഷിക്കുക, ദിവസം പൂർത്തിയാക്കാതെ തൊഴിൽ മാറുക, ശമ്പളമില്ലാതെ അവധിയിൽ കഴിയുന്ന തൊഴിലാളികൾ. എന്നിവർക്ക് വേദനം നൽകുന്നതിൽ നിന്നും ഒഴിവാക്കിയിട്ടുണ്ട്.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല