സമയനിഷ്ഠയിൽ കണിശക്കാ രൻ! ആഗോളതലത്തിൽ നേട്ടവുമായി സൗദിയ എയർലൈൻസ്

സ്വന്തം ലേഖകൻ: സൗദിയിലെ വിമാനക്കമ്പനികൾ എന്നും പല രീതിയിൽ മുന്നിൽ നിൽക്കുന്നവരാണ്. ഇപ്പോഴാണ് ഇതാ സമയനിഷ്ഠയിൽ ലോകത്തെ മുൻനിര സ്ഥാനം നേടി രംഗത്തെത്തിയിരിക്കുകയാണ് സൗദിയ എയർലൈൻസ്. വിമാനം വരുന്നതിലും പോകുന്നതിലും 88 ശതമാനം സമയനിഷ്ഠ സൗദി എയർലൈൻസ് പാലിക്കുന്നു എന്നാണ് റിപ്പോർട്ട്. സിറിയം വെബ്‌സൈറ്റ് ആണ് പുതിയ റിപ്പോർട്ട് പുറത്തുവിട്ടിരിക്കുന്നത്. കഴിഞ്ഞ ജൂൺ മാസത്തെ വിമാനങ്ങളുടെ വിവരങ്ങൾ വിശകലനം ചെയ്തതിന്റെ അടിസ്ഥാനത്തിലാണ് ഇത്തരത്തിലൊരു റിപ്പോർട്ട് അവർ തയ്യാറാക്കിയിരിക്കുന്നത്.

4 ഭൂഖണ്ഡങ്ങളിലായി 100 ലധികം സർവീസുകൾ ആണ് സൗദി എയർ ലെെൻസ് നടത്തുന്നത്. 16,130 ഫ്ലൈറ്റുകൾ സർവീസ് നടത്തിയതിലെ കണക്കുകൾ പരിശോധിക്കുമ്പോൾ ആണ് സൗദിയ ഈ നേട്ടം കെെവരിച്ചിരിക്കുന്നത്. ഹജ്ജ് സമയത്തും, വേനൽകാലം തുടങ്ങുമ്പോഴും ആണ് യാത്രക്കാർ കൂടുതലായി ഉണ്ടാകുക. ഈ സമയത്ത് സമയനിഷ്ഠ കൃത്യമായി പാലിച്ച എയർലെെൻ ആയി സൗദിയി മാറി കഴിഞ്ഞു. സീസണിലെ തിരക്കിനിടയിലും കൃത്യത പാലിച്ചതാണ് ഈ വിജയത്തിന് കാരണം.

സൗദിയിലെ വിമാനക്കമ്പനികൾ അഞ്ഞൂറോളം പുതിയ വിമാനങ്ങൾക്ക് ഓർഡർ നൽകി. വാർത്ത കഴിഞ്ഞ ദിവസം പുറത്തുവന്നിരുന്നു. ഇന്ത്യയിലേക്കുൾപ്പെടെയുള്ള വിവിധ നഗരങ്ങളിലേക്ക് സർവീസ് നടത്തും. ഇതുവഴി യാത്രക്കാർക്ക് വലിയ സൗകര്യവും കൂടുതൽ പുതിയ തൊഴിലവസരങ്ങളും ഉണ്ടാകും. സൗദി എയർലൈൻസ്, റിയാദ് എയർ, ഫ്‌ലൈനാസ്, ഫ്‌ലൈ അദീൽ എന്നീ കമ്പനികളാണ് ഈ വർഷം പുതിയ വിമാനങ്ങൾ വാങ്ങാൻ തീരുമാനിച്ചിരിക്കുന്നത്.

സൗദിയിലെ വിവിധ വിമാനത്താവളങ്ങളിലൂടെ കഴിഞ്ഞ വർഷം യാത്ര ചെയ്ത യാത്രക്കാരുടെ എണ്ണം കൂടുതലാണ്. 11.2 കോടി യാത്രാക്കാരാണ് സൗദിയിലെ വിവിധ വിമാനത്താവളങ്ങളിൽ നിന്നും യാത്ര ചെയ്തത് എന്നാണ് റിപ്പോർട്ട്. വിമാന ഗതാഗതത്തിൽ 26% വർധനയാണ് കഴിഞ്ഞ വർഷം രേഖപ്പെടുത്തിയിരിക്കുന്നത്. ഇതെല്ലാം കണക്കുകൂട്ടിയാകും അഞ്ഞൂറോളം പുതിയ വിമാനങ്ങൾ വാങ്ങാൻ സൗദി തീരുമാനിച്ചിരിക്കുന്നത്.

ദേശീയ വിമാനക്കമ്പനിയായ സൗദി എയർലൈൻസ് 105 പുതിയ വിമാനങ്ങൾക്കുള്ള പുത്തൻ ഓർഡറുകൾ ആണ് നൽകിയിരിക്കുന്നത്. അതേസമയം, റിയാദിലെ കിങ് ഖാലിദ് രാജ്യാന്തര വിമാനത്താവളം തുടർച്ചയായി രണ്ടാം മാസവും ലോകത്തിലെ ഏറ്റവും കൃത്യനിഷ്ഠ പാലിക്കുന്ന വിമാനത്താവളങ്ങളിൽ ഒന്നായി തെരഞ്ഞെടുത്തു. വിമാനങ്ങളുമായി ബന്ധപ്പെട്ട വിപുലമായ ഡേറ്റ തയ്യാറാക്കുന്ന സിറിയം ഡിയോ തന്നെയാണ് ഈ കണക്കുകളും പുറത്തുവിട്ടിരിക്കുന്നത്.