മലയാളികളുടെ ദേശീയോത്സവമായ ഓണത്തെ വരവേല്‍ക്കാന്‍ ന്യൂകാസില്‍ മലയാളി അസോസിയേഷന്‍ ഒരുങ്ങി. അതിവിപുലമായ പരിപാടികളാണ് ഓണത്തിനായി ഇത്തവണ അസോസിയേഷന്‍ ഒരുക്കിയിരിക്കുന്നത്. ഓഗസ്റ്റ് 29 ന് ബുധനാഴ്ച ഉച്ചയ്ക്ക് 11:30 മുതല്‍ വൈകുന്നേരം അഞ്ചുവരെയാണ് ആഘോഷം. ന്യൂകാസില്‍ ഇംഗ്ലീഷ് മാര്‍ട്ടീസ് ചര്‍ച്ച്ഹാളിലാണ് മലയാളികളുടെ ആഘോഷവേദിയാകുന്നത്.
വൈവിദ്യമാര്‍ന്ന സാംസ്‌കാരിക പരിപാടികള്‍ക്കൊപ്പം കലാകായികമത്സരങ്ങളും ആഘോഷത്തില്‍ ഉള്‍പ്പെടുത്തിയിട്ടുണ്ട്.
രാവിലെ 11:30 ന് ഈശ്വരപ്രാര്‍ത്ഥനയോടെ പരിപാടികള്‍ക്കു തുടക്കംകുറിക്കും. തുടര്‍ന്ന് മാവേലിത്തമ്പുരാന് ആഘോഷമായ വരവേല്പിനുശേഷം പരിപാടിയുടെ ഉദ്ഘാടനം. ഇതിനുപിന്നാലെ വിഭവസമൃദ്ധമായ ഓണസദ്യയാണ്. അതിനുശേഷം ഉച്ചയക്ക് 1:50 ന് ഫാ. സജി തോട്ടത്തില്‍ ഓണസന്ദേശം നല്കും. രണ്ടുമണിക്ക് വര്‍ണ്ണപ്പകിട്ടാര്‍ന്ന കലാകായിക പരിപാടികള്‍ക്കായി വേദി ഒരുങ്ങും. ഇതിനുശേഷം മൂന്നരയോടെ വാശിയേറിയ വടംവലി മത്സരവും അരങ്ങേറും.
വടംവലിയില്‍ പങ്കെടുക്കാന്‍ ആഗ്രഹിക്കുന്ന ടീമുകള്‍ മുന്‍കൂട്ടി പേര് രജിസ്റ്റര്‍ ചെയ്യണമെന്ന് സംഘാടകര്‍ അറിയിച്ചു. വൈകുന്നേരം നാലിന് ചായസത്കാരത്തിനുശേഷം സമ്മാനദാനത്തോടെ ഓണാഘോഷത്തിനു തിരശീല വീഴും.
വിശദവിവരങ്ങള്‍ക്ക്: വര്‍ഗീസ് തോമസ് (ഫോണ്‍:07940359673) ബിജു കെ.വര്‍ഗീസ് (07994431769) ജിബി ഗോപാലന്‍ (07500896500) എന്നീ നമ്പറുകളില്‍ ബന്ധപ്പെടണം.
വേദിയുടെ വിലാസം:English Martyrs Chruch Hall, 176 stamfordham road, Newcastle, Upon Tyne NE53JR.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല