കോട്ടയം: ഭാരത സന്ദര്‍ശനത്തിനായെത്തിയ ആകമാന സുറിയാനി ഓര്‍ത്തഡോക്‌സ് സഭയുടെ പരമാധ്യക്ഷന്‍ ഇഗ്നാത്തിയോസ് അഫ്രേം ദ്വിതീയന്‍ പാത്രിയര്‍ക്കീസ് ബാവയുമായി സിബിസിഐ ലെയ്റ്റി കമ്മീഷന്‍ ചെയര്‍മാന്‍ മാര്‍ മാത്യു അറയ്ക്കല്‍ കോട്ടയത്ത്‌വെച്ച് കൂടിക്കാഴ്ച നടത്തി. ഇന്ത്യന്‍ ക്രിസ്ത്യന്‍ കമ്യൂണിറ്റി സെക്രട്ടറി ജനറല്‍ ഷെവലിയര്‍ അഡ്വ.വി,സി.സെബാസ്റ്റ്യനും കൂടിക്കാഴ്ചയില്‍ പങ്കുചേര്‍ന്നു.
വിവിധ ക്രൈസ്തവസഭകള്‍ തമ്മിലുള്ള ബന്ധങ്ങള്‍ കൂടുതല്‍ ഊഷ്മളമാക്കണമെന്നും വിവിധ സഭകളിലെ അധ്യക്ഷന്മാരും വൈദികരും അല്മായരും തമ്മിലുള്ള പരസ്പര സ്‌നേഹവും സഹകരണവും വിവിധ തലങ്ങളില്‍ കൂടുതല്‍ സജീവമാക്കണമെന്നും സഹകരിച്ചുള്ള പ്രവര്‍ത്തനങ്ങള്‍ ശക്തിപ്പെടുത്തണമെന്നും കൂടിക്കാഴ്ചയില്‍ സൂചിപ്പിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല