സ്വന്തം ലേഖകന്‍: ഇതു താണ്ടാ പോലീസ്, ഓടുന്ന ട്രെയിനില്‍ നിന്നും പ്ലാറ്റ്‌ഫോമിലേക്ക് വീണ പെണ്‍കുട്ടിയെ അത്ഭുതകരമായി രക്ഷപ്പെടുത്തി പോലീസുകാരന്‍, അഭിനന്ദനവുമായി അക്ഷയ് കുമാര്‍. പ്ലാറ്റ്‌ഫോമിലേക്ക് വീണ യുവതിയെ അതിസാഹസികമായി രക്ഷപ്പെടുത്തിയത് പവന്‍ തയ്ദി എന്ന പോലീസുകാരനാണ്. ബോളിവുഡ് താരം അക്ഷയ് കുമാര്‍ പോലീസുകാരനെ അഭിനന്ദിച്ച് സംഭവത്തിന്റെ വീഡിയോ ഇന്‍സ്റ്റഗ്രാമില്‍ പോസ്റ്റ് ചെയ്യുകയും ചെയ്തു. മുംബൈയിലെ ലോനവാല റെയില്‍വെ സ്‌റ്റേഷനില്‍ തിങ്കാളാഴ്ചയാണ് സംഭവം. പൂനയില്‍ നിന്നും മുംബൈയിലേക്ക് പോവുകയായിരുന്ന കാക്കിനാഡ എക്‌സ്പ്രസില്‍ നിന്ന് ഒരു പെണ്‍കുട്ടി ബാലന്‍സ് തെറ്റി പ്ലാറ്റ്‌ഫോമിലേക്ക് വീണു. ട്രെയിനിനും പ്ലാറ്റ്‌ഫോമിനും ഇടയില്‍ പെട്ടു പോയ യുവതി ട്രെയിനിന് അടിയിലേക്ക് വീഴാന്‍ തുടങ്ങുന്നതിനിടെ പവന്‍ തയ്ദി ചാടിവീഴുകയായിരുന്നു. ഓടിയെത്തിയ പവന്‍ പെണ്‍കുട്ടിയെ കൈപിടിച്ച് ഉയര്‍ത്തി. പെണ്‍കുട്ടി വീഴുന്നത് എല്ലാവരും ഭയത്തോടെയാണ് കണ്ടത്. പോലീസുകാരന്‍ പെണ്‍കുട്ടിയെ രക്ഷിച്ചതോടെ അഭിനന്ദന പ്രവാഹമായിരുന്നു. അപകടത്തില്‍ പെണ്‍കുട്ടിക്ക് കുഴപ്പൊന്നും സംഭവിച്ചിട്ടില്ല. തന്നെ വല്ലാതെ ഭയപ്പെടുത്തിയ രംഗം എന്നു പറഞ്ഞാണ് ബോളിവുഡ് താരം അക്ഷയ് കുമാര്‍ വീഡിയോ ഷെയര്‍ ചെയ്തത്. ഒപ്പം പോലീസുകാരന്‍ പവനെയും പോലീസ് ഡിപ്പാര്‍ട്ട്‌മെന്റിനെ ഒന്നാകെയും അഭിനന്ദിക്കാനും താരം മറന്നില്ല. യൂണിഫോം ധരിച്ച ഇവരാണ് യഥാര്‍ത്ഥ ഹീറോകള്‍ എന്നും താരം പറയുന്നു.
Thursday, January 30, 2025 14:37:33 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല