സ്വന്തം ലേഖകൻ: ഖത്തറിലെ ബാങ്കുകള്‍ക്കും എല്ലാ ധനകാര്യ സ്ഥാപനങ്ങള്‍ക്കും ഈദ് അവധി പ്രഖ്യാപിച്ചു. മെയ് 1 മുതല്‍ 5 വരെയാണ് ഈദ് അവധി. ഖത്തര്‍ സെന്‍ട്രല്‍ ബാങ്കാണ് പെരുന്നാള്‍ അവധി പ്രഖ്യാപിച്ചത്. വാരാന്ത്യ അവധികളും ഉള്‍പ്പെടെ 9 അവധി ദിനങ്ങളാണ് ബാങ്കിങ് മേഖലയ്ക്ക് ലഭിക്കുക. അവധിയ്ക്ക് ശേഷം മെയ് 8 മുതല്‍ ബാങ്കിങ് മേഖല പ്രവര്‍ത്തനം പുനഃരാരംഭിക്കും. ബാങ്കുകള്‍, പണവിനിമയ സ്ഥാപനങ്ങള്‍, ഇന്‍ഷുറന്‍സ്, നിക്ഷേപ സ്ഥാപനങ്ങള്‍, ഫിനാന്‍ഷ്യല്‍ അഡൈ്വസറി സ്ഥാപനങ്ങള്‍ എന്നിവയ്‌ക്കെല്ലാം അവധി ഉണ്ടായിരിക്കും.
രാജ്യത്തെ സര്‍ക്കാര്‍ മന്ത്രാലയങ്ങള്‍ക്കും പൊതുമേഖലാ സ്ഥാപനങ്ങള്‍ക്കുമെല്ലാം മെയ് 1 മുതല്‍ 9 വരെയാണ് ഈദ് അവധി. അതേസമയം, ഖത്തറിലെ ചെറിയ പെരുന്നാള്‍ അവധി പ്രഖ്യാപിച്ചു. കഴിഞ്ഞദിവസമാണ് ഇതുസംബന്ധിച്ച് അറിയിപ്പ് എത്തിയത്. മറ്റു അറബ് രാജ്യങ്ങളെ പോലെ തന്നെ നീണ്ട അവധിയാണ് ഖത്തറിലും ഉള്ളത്. മെയ് 1 ഞായറാഴ്ച മുതല്‍ മെയ് 9 തിങ്കളാഴ്ച വരെയായിരിക്കും അവധി. മന്ത്രാലയങ്ങള്‍ക്കും മറ്റ് സര്‍ക്കാര്‍ സ്ഥാപനങ്ങള്‍ക്കും പൊതുസ്ഥാപനങ്ങള്‍ക്കും ആണ് അവധി പ്രഖ്യാപിച്ചിരിക്കുന്നത്.
രാജ്യത്തെ സര്‍ക്കാര്‍ ഓഫീസുകളും പൊതുമേഖലാ സ്ഥാപനങ്ങളും 9 ദിവസത്തെ അവധിക്ക് ശേഷം മേയ് 10 ചൊവ്വാഴ്ച തുറന്നു പ്രവര്‍ത്തിക്കും. വാരാന്ത്യ അവധി ദിനങ്ങള്‍ കൂട്ടിയാണ് 9 ദിവസത്തെ അവധി ലഭിക്കുന്നത്. നീണ്ട അവധി ലഭിച്ച സാഹചര്യത്തില്‍ പലരും യാത്രക്കായുള്ള പദ്ധതി തയ്യാറാക്കികഴിഞ്ഞു.
അതേസമയം, ഖത്തര്‍ സെന്‍ട്രല്‍ ബാങ്കിനും ഖത്തര്‍ ബാങ്കിന്റെ കീഴില്‍ പ്രവര്‍ത്തിക്കുന്ന മറ്റ് ബാങ്കുകള്‍ക്കും അവധി ദിവസത്തിന്‍ മാറ്റം ഉണ്ടോയെന്ന കാര്യത്തില്‍ തീരുമാനം എത്തിയിട്ടില്ല. ധനകാര്യ സ്ഥാപനങ്ങള്‍ക്കും ഖത്തര്‍ ഫിനാന്‍ഷ്യല്‍ മാര്‍ക്കറ്റിങ് അതോറിറ്റിക്കും അവധി ദിവസങ്ങളില്‍ മാറ്റം ഉണ്ടായേക്കാം. ഖത്തര്‍ സെന്‍ട്രല്‍ ബാങ്ക് ഗവര്‍ണറായിരിക്കും ഇവരുടെ അവധി സംബന്ധിച്ച പ്രഖ്യാപനം നടത്തുക. ഇതുസംബന്ധിച്ച അറിയിപ്പ് ഉടന്‍ പുറത്തിറക്കും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല