ഖത്തറിൽ വാടക നിരക്ക്​ കുത്തനെ ഉയരുന്നു; ആശങ്കയോടെ പ്രവാസികളായ താമസക്കാർ

സ്വന്തം ലേഖകൻ: താ​മ​സ സം​വി​ധാ​ന​ങ്ങ​ൾ ഉ​ൾ​പ്പെ​ടെ ഉ​യ​ർ​ന്ന വാ​ട​ക​നി​ര​ക്കി​ൽ ആ​ശ​ങ്ക പ്ര​ക​ടി​പ്പി​ച്ച് പൊ​തു​ജ​ന​ങ്ങ​ൾ. പ്രാ​ദേ​ശി​ക ദി​ന​പ​ത്രം ന​ട​ത്തി​യ ഓ​ൺ​ലൈ​ൻ സ​ർ​വേ​യി​ലാ​ണ് ഉ​യ​ർ​ന്ന വാ​ട​ക​ക്കെ​തി​രെ നി​ര​വ​ധി പേ​ർ ആ​ക്ഷേ​പ​മു​ന്ന​യി​ച്ച​ത്. അ​ധി​കൃ​ത​ർ ഇ​ക്കാ​ര്യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്നും ആ​വ​ശ്യ​പ്പെ​ട്ടു. സ​ർ​വേ​യി​ൽ പ​ങ്കെ​ടു​ത്ത​വ​രെ​ല്ലാം ത​ങ്ങ​ളു​ടെ വാ​ട​ക വ​ർ​ധി​പ്പി​ച്ച​ത് വ്യ​ക്ത​മാ​ക്കു​ക​യും 10 മു​ത​ൽ 40 ശ​ത​മാ​നം വ​രെ വാ​ട​ക വ​ർ​ധി​പ്പി​ച്ച​താ​യി സ​ർ​വേ​യി​ൽ ചൂ​ണ്ടി​ക്കാ​ട്ടു​ക​യും​ചെ​യ്തു.

താ​മ​സ യൂ​നി​റ്റു​ക​ളു​ടെ വാ​ട​ക ഉ​യ​രു​ന്ന​ത് സം​ബ​ന്ധി​ച്ച വാ​ർ​ത്ത​ക​ൾ അ​ധി​ക​രി​ച്ച സാ​ഹ​ച​ര്യ​ത്തി​ലാ​ണ് ര​ണ്ട് ചോ​ദ്യ​ങ്ങ​ളു​മാ​യി ദി​ന​പ​ത്രം സ​ർ​വേ ന​ട​ത്തി​യ​ത്. വാ​ട​ക വ​ർ​ധി​പ്പി​ച്ച​ത് അം​ഗീ​ക​രി​ക്കു​ന്നു​ണ്ടോ, നീ​തീ​ക​രി​ക്കാ​നാ​കു​മോ എ​ന്നും എ​ത്ര​ശ​ത​മാ​നം വാ​ട​ക വ​ർ​ധി​പ്പി​ച്ചെ​ന്നു​മാ​യി​രു​ന്നു സ​ർ​വേ​യി​ലെ ചോ​ദ്യ​ങ്ങ​ൾ.

സ​ർ​വേ​യി​ൽ പ​ങ്കെ​ടു​ത്ത ഭൂ​രി​ഭാ​ഗം ആ​ളു​ക​ളും വാ​ട​ക വ​ർ​ധ​ന ഒ​രി​ക്ക​ലും അം​ഗീ​ക​രി​ക്കാ​നാ​കി​ല്ലെ​ന്നും കു​ത്ത​നെ വ​ർ​ധി​പ്പി​ച്ച​ത് നീ​തി​യ​ല്ലെ​ന്നും അ​റി​യി​ച്ചു. സ​ർ​വേ​യി​ൽ പ​ങ്കെ​ടു​ത്ത ചി​ല​ർ, വാ​ട​ക വ​ർ​ധി​പ്പി​ക്കു​ന്ന​ത് ഫി​ഫ ലോ​ക​ക​പ്പ് മു​ന്നി​ൽ ക​ണ്ടു​കൊ​ണ്ടാ​ണെ​ന്നും അ​തി​നു​ശേ​ഷം വാ​ട​ക കു​റ​യു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും അ​ഭി​പ്രാ​യം രേ​ഖ​പ്പെ​ടു​ത്തി.

ര​ണ്ടു​മാ​സം മു​മ്പ് വാ​ട​ക​ക്ക​രാ​ർ പു​തു​ക്കി​യ​പ്പോ​ൾ 20 ശ​ത​മാ​ന​മാ​ണ് വ​ർ​ധി​പ്പി​ച്ച​തെ​ന്നും എ​ന്തു​കൊ​ണ്ടാ​ണ് വ​ർ​ധി​പ്പി​ച്ച​തെ​ന്ന ചോ​ദ്യ​ത്തി​ന് ഫി​ഫ ലോ​ക​ക​പ്പ് എ​ന്നാ​യി​രു​ന്നു മ​റു​പ​ടി​യെ​ന്നും ശ​മ്പ​ള വ​ർ​ധ​ന​വി​ല്ലാ​തെ വാ​ട​ക വ​ർ​ധി​പ്പി​ക്കു​ന്ന​ത് പ്ര​യാ​സ​മേ​റി​യ​താ​ണെ​ന്നും ഒ​രാ​ൾ വ്യ​ക്ത​മാ​ക്കി. വാ​ട​ക വ​ർ​ധി​പ്പി​ക്കു​ന്ന​തി​ൽ എ​ന്ത് ന്യാ​യീ​ക​ര​ണ​മാ​ണു​ള്ള​ത്, ലോ​ക​ക​പ്പി​നാ​യെ​ത്തു​ന്ന​വ​ർ​ക്ക് ക​ഴി​ഞ്ഞ ര​ണ്ട് വ​ർ​ഷ​ത്തി​നു​ള്ളി​ൽ താ​മ​സ യൂ​നി​റ്റു​ക​ൾ നി​ർ​മി​ച്ചി​രി​ക്കെ, നി​ര​വ​ധി സൗ​ക​ര്യ​ങ്ങ​ൾ ല​ഭ്യ​മാ​ണെ​ന്നും ഈ ​സാ​ഹ​ച​ര്യ​ത്തി​ൽ വാ​ട​ക വ​ർ​ധി​പ്പി​ക്കു​ന്ന​ത് അം​ഗീ​ക​രി​ക്കാ​നാ​കി​ല്ലെ​ന്നും സ​ർ​വേ​യി​ൽ മ​റ്റൊ​രു താ​മ​സ​ക്കാ​ര​ൻ അ​ഭി​പ്രാ​യ​പ്പെ​ട്ടു.

ശ​മ്പ​ളം വ​ർ​ധി​പ്പി​ക്കാ​തി​രി​ക്കു​ക​യോ അ​ല്ലെ​ങ്കി​ൽ ചു​രു​ക്കു​ക​യോ ചെ​യ്യു​ന്ന സാ​ഹ​ച​ര്യ​ത്തി​ൽ വാ​ട​ക​വ​ർ​ധ​ന അം​ഗീ​ക​രി​ക്കാ​ൻ സാ​ധി​ക്കു​ക​യി​ല്ലെ​ന്നാ​ണ് ഒ​രാ​ളു​ടെ അ​ഭി​പ്രാ​യം. 40 മു​ത​ൽ 45 ശ​ത​മാ​നം വ​രെ വാ​ട​ക വ​ർ​ധി​പ്പി​ച്ച ചി​ല സ്വ​കാ​ര്യ ക​മ്പ​നി​ക​ളു​ടെ പേ​രു​ക​ളും അ​ഭി​പ്രാ​യം പ്ര​ക​ടി​പ്പി​ച്ച​വ​ർ സ​ർ​വേ​യി​ൽ വെ​ളി​പ്പെ​ടു​ത്തി​യി​ട്ടു​ണ്ട്.

അ​ധി​കൃ​ത​ർ​ക്ക് ഇ​ക്കാ​ര്യ​ത്തി​ൽ എ​ന്ത് ന​ട​പ​ടി​യെ​ടു​ക്കാ​നാ​കു​മെ​ന്നാ​ണ് നോ​ക്കു​ന്ന​തെ​ന്നും കു​ത്ത​നെ വാ​ട​ക വ​ർ​ധി​പ്പി​ക്കു​ന്ന​ത് പ്ര​യാ​സം സൃ​ഷ്​​ടി​ക്കു​ന്നു​ണ്ടെ​ന്നും മ​റ്റൊ​രാ​ൾ വ്യ​ക്ത​മാ​ക്കി. അ​തേ​സ​മ​യം, ഖ​ത്ത​റി​ലെ റി​യ​ൽ എ​സ്​​റ്റേ​റ്റ് വി​പ​ണി സാ​ധാ​ര​ണ നി​ല​യി​ലാ​ണെ​ന്നും ലോ​ക​ക​പ്പ് ടൂ​ർ​ണ​മെ​ന്‍റ്​ അ​വ​സാ​നി​ച്ച് അ​ടു​ത്ത വ​ർ​ഷ​ത്തോ​ടെ വാ​ട​ക​യി​ൽ ക്ര​മേ​ണ കു​റ​വ് വ​രു​മെ​ന്നും റി​യ​ൽ എ​സ്​​റ്റേ​റ്റ് നി​രീ​ക്ഷ​ക​ർ വ്യ​ക്ത​മാ​ക്കു​ന്നു​ണ്ട്.

താ​മ​സ യൂ​നി​റ്റു​ക​ളു​ടെ വാ​ട​ക വ​ർ​ധി​ക്കു​ന്ന​ത് നേ​ര​ത്തെ​ത​ന്നെ പ്ര​തീ​ക്ഷി​ച്ച​താ​ണെ​ന്ന് അ​ൽ ഇ​മാ​ദി എ​ന്റ​ർ​പ്രൈ​സ​സ്​ സി.​ഇ.​ഒ മു​ഹ​മ്മ​ദ് അ​ബ്ദു​ൽ​ക​രീം അ​ൽ ഇ​മാ​ദി നേ​ര​ത്തെ വ്യ​ക്ത​മാ​ക്കി​യി​രു​ന്നു. ഖ​ത്ത​റി​ലെ റി​യ​ൽ എ​സ്​​റ്റേ​റ്റ് ലോ​ക​ക​പ്പി​ന് മു​മ്പും ശേ​ഷ​വും, വി​ത​ര​ണ​ത്തി​ന്‍റെ​യും ആ​വ​ശ്യ​ക​ത​യു​ടെ​യും ഭാ​വി വി​ഷ​യ​ത്തി​ൽ ഖ​ത്ത​ർ ടി.​വി​യി​ൽ ന​ട​ത്തി​യ പ​രി​പാ​ടി​യി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ഈ ​അ​വ​സ​രം പ​ര​മാ​വ​ധി ഉ​പ​യോ​ഗ​പ്പെ​ടു​ത്താ​നാ​യി​രി​ക്കും റി​യ​ൽ എ​സ്​​റ്റേ​റ്റ് രം​ഗ​ത്തെ നി​ക്ഷേ​പ​ക​രും ക​മ്പ​നി​ക​ളും ശ്ര​മി​ക്കു​ക​യെ​ന്നും അ​വ​ർ കൂ​ടു​ത​ൽ ലാ​ഭ​മു​ണ്ടാ​ക്കു​മെ​ന്നും എ​ന്നാ​ൽ, ടൂ​ർ​ണ​മെ​ന്റി​നു​ശേ​ഷം സാ​ഹ​ച​ര്യ​ങ്ങ​ൾ ഏ​റെ മാ​റു​മെ​ന്നും പ​രി​പാ​ടി​യി​ൽ പ​ങ്കെ​ടു​ത്ത സെ​ഞ്ചു​റി21 ചെ​യ​ർ​മാ​ൻ ഇ​ബ്റാ​ഹിം അ​ൽ​മാ​ന പ​റ​ഞ്ഞു. ലോ​ക​ക​പ്പി​നു​ശേ​ഷം ആ​വ​ശ്യ​ത്തേ​ക്കാ​ളേ​റെ വി​ത​ര​ണ​ത്തി​നു​ണ്ടാ​കു​മെ​ന്നും നി​ല​വി​ലെ വാ​ട​ക​നി​ര​ക്ക് ഏ​റ്റ​വും ഉ​യ​ർ​ന്ന നി​ല​യി​ലാ​ണെ​ന്നും അ​ൽ​മാ​ന വ്യ​ക്ത​മാ​ക്കി​യി​രു​ന്നു.