സ്വന്തം ലേഖകൻ: തൊഴിൽ മേഖലയിലുമുള്ളവർക്ക് പരാതികൾ നൽകാൻ പുതിയ സംവിധാനവുമായി ഖത്തർ. സ്വകാര്യ കമ്പനികളിലും സ്ഥാപനങ്ങളിലും ഗാർഹിക തൊഴിൽ സംബന്ധമായ പരാതികൾ ഉണ്ടെങ്കിൽ അറിയിക്കാൻ ആണ് ഈ സംവിധാനം ഉപയോഗിക്കാം. അധികൃതരെ അറിയിക്കാനുള്ള സംവിധാനങ്ങളെക്കുറിച്ചറിയാം.
സ്വദേശികൾക്കും പ്രവാസികൾക്കും ഓൺലൈൻ വഴി പരാതികൾ അറിയിക്കാം. അല്ലെങ്കിൽ ഓഫീസിൽ നേരിട്ടെത്തി പരാതികൾ സമർപ്പിക്കാം. തൊഴിലുടമയ്‌ക്കെതിരായ പരാതി ആണ് നൽകുന്നതെങ്കിൽ പ്രത്യേക ഓൺലൈൻ സംവിധാനങ്ങൾ ഒരുക്കിയിട്ടുണ്ട്. നിയമലംഘനം അധികൃതരെ അറിയിക്കാനും ഈ ഓൺലൈൻ സംവിധാനം ഉപയോഗിക്കാം.
പരാതികൾ സമർപ്പിക്കാൻ https://www.mol.gov.qa/En/Services/Pages/ServiceDetails.aspx?itemid=7 എന്ന വെബ്‌സൈറ്റിൽ എത്തി പരാതികൾ സമർപ്പിക്കാം. ഖത്തർ ഐഡി നമ്പർ, സ്വന്തം പേരിലുള്ള മൊബൈൽ നമ്പർ എന്നിവയാണ് ഇതിൽ നൽകേണ്ടത്. ഇത് നൽകി പരാതി രജിസ്റ്റർ ചെയ്യാം. പരാതി രജിസ്റ്റർ ചെയ്യാൻ ഒരു അകൗണ്ട് തയ്യാറാക്കേണ്ടി വരും. മൊബൈൽ നമ്പർ വേരിഫിക്കേഷന് ഒടിപി നൽകി വേണം അകൗണ്ട് തയ്യാറാക്കാൻ.
വീസ നമ്പർ ഉപയോഗിച്ച് പരാതികൾ സമർപ്പിക്കാം. പരാതികൾ രജിസ്റ്റർ ചെയ്യുമ്പോൾ മൊബൈൽ നമ്പർ നൽകണം. മൊബൈൽ നമ്പറിൽ വ്യത്യാസമുണ്ടെങ്കിൽ മന്ത്രാലയത്തിന്റെ ഓഫീസിൽ നേരിട്ടെത്തി പരാതി നൽകണം. പാസ്‌പോർട്ട് ഉപയോഗിച്ച് പരാതികൾ നൽകാൻ സാധിക്കില്ല.
പരാതിക്കരാന്റെ ഐഡന്റിറ്റി വെളിപ്പെടുത്താതെ പരിതി നൽകാനുള്ള സംവിധാനവും ഒരുക്കിയിട്ടുണ്ട്.
നിയമ ലംഘനങ്ങൾക്കെതിരെയാണ് പരാതി നൽകുന്നതെങ്കിൽ തൊഴിലുടമയുടെ അല്ലെങ്കിൽ കമ്പനിയുടെ വിവരങ്ങൾ വ്യക്തമായി നൽകണം. ഓൺലൈനിൽ പരാതി കൊടുക്കുന്നതുമായി സംശയങ്ങൾ ഉണ്ടെങ്കിൽ 16505 എന്ന നമ്പറിൽ വിളിച്ച് വ്യക്തത വരുത്തണം. ഒരു വ്യക്തി പരാതി നൽകി ആ പരാതിയിൽ അന്വേഷണം നടക്കുമ്പോൾ അയാൾക്ക് മറ്റൊരു പരാതി നൽകാൻ സാധിക്കില്ല. ആദ്യം നൽകിയ പരാതിയിൽ പരിഹാരം കണ്ടെത്തിയാൽ മാത്രമേ പുതിയ പരാതി നൽകാൻ സാധിക്കുകയുള്ളു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല