റോതര്‍ഹാം ബ്രൂംവാലി ക്ലബ് ഹാളില്‍ ശനിയാഴ്ച നടന്ന നാലാമത് രാജപുരം നിവാസികളുടെ സംഗമം പ്രൗഡഗംഭീരമായി. രാവിലെ 11 മണിയ്ക്ക് ഈശ്വര പ്രാര്‍ത്ഥനയോട് കൂടി പരിപാടി ആരംഭിച്ചു. ബ്ലാക്ക്‌ബേണില്‍ നിന്നുമുള്ള തങ്കമ്മ ഭദ്രദീപം കൊളുത്തി യോഗം ഉദ്ഘാടനം ചെയ്തു.
മുതിര്‍ന്നവരുടെയും കുട്ടികളുടെയും വിവിധ കലാപരിപാടികള്‍ സംഗമത്തിന് മാറ്റ് കൂട്ടി. ഈ വര്‍ഷത്തെ സംഘാടകരായ വിന്‍സന്റ് ജോര്‍ജിന്റെയും വേണു ചുള്ളിക്കരയുടെ നേതൃത്വത്തില്‍ മലബാറിന്റെ തനതായ വിഭവങ്ങളുമായി ഒരുക്കിയ സദ്യ ഏല്ലാര്‍ക്കും ഇഷ്ടമായി.പരിചയം പുതുക്കിയും, പുതിയ ബന്ധങ്ങള്‍ ഉണ്ടാക്കിയും , വൈകുന്നേരം 5 മണിയോടു കൂടി സംഗമം സമാപിച്ചു.
അടുത്ത വര്‍ഷത്തെ അഞ്ചാം സംഗമം 2013 ജൂണ്‍ ഒന്നാം തീയതി മാഞ്ചെസ്റ്ററില്‍ വച്ച് നടത്തും.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല