സ്വന്തം ലേഖകന്‍: റസൂല്‍ പൂക്കുട്ടിക്ക് ഗോള്‍ഡല്‍ റീല്‍, ഈ പുരസ്‌കാരം ലഭിക്കുന്ന ആദ്യ ഏഷ്യക്കാരന്‍. വിവാദ ബിബിസി ഡോക്യുമെന്ററിയായ ഇന്ത്യാസ് ഡോട്ടറിലെ ശബ്ദ വിന്യാസത്തിനാണ് പുരസ്‌കാരം. സിനിമാ ശബ്ദലേഖന രംഗത്ത് ആഗോളതലത്തിലെ ഏറ്റവും വലിയ അംഗീകാരമാണ് മോഷന്‍ പിക്ചര്‍ സൗണ്ട് എഡിറ്റേഴ്‌സ് നല്‍കുന്ന ഗോള്‍ഡന്‍ റീല്‍.
ഏഷ്യയില്‍ നിന്ന് ആദ്യമായാണ് ഈ വിഭാഗത്തില്‍ ഒരാള്‍ക്ക് പുരസ്‌കാരം ലഭിക്കുന്നത്. ഡല്‍ഹിയില്‍ ഓടുന്ന ബസിനുള്ളില്‍ കൂട്ടമാനഭംഗത്തിന് ഇരയായി കൊല്ലപ്പെട്ട നിര്‍ഭയ എന്ന ജ്യോതിയുടെ കഥ പറയുന്ന ഡോക്യൂമെന്ററിയാണ് ഇന്ത്യാസ് ഡോട്ടര്‍. ഡോക്യുമെന്ററി ഏറെ വിവാദം സൃഷ്ടിച്ചിരുന്നു. നിരവധി രാജ്യാന്തര വേദികളില്‍ പ്രദര്‍ശിപ്പിക്കപ്പെട്ട ചിത്രം ഇന്ത്യയില്‍ നിരോധിച്ചിരിക്കുകയാണ്.
നേരത്തെ ഡാനി ബോയിലിന്റെ ഹോളിവുഡ് ചിത്രമായ സ്ലം ഡോഗ് മില്യണയര്‍ എന്ന ചിത്രത്തിന് പൂക്കുട്ടി ഓസ്‌കര്‍ നേടിയിരുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല