സ്വന്തം ലേഖകന്‍: ക്രിക്കറ്റ് കളിക്കുന്നതിനേക്കാള്‍ പ്രയാസം അഭിനയമെന്ന് സച്ചിന്‍ ടെന്‍ഡുല്‍ക്കര്‍, സച്ചിന്റെ പേരിലുള്ള സിനിമയുടെ ടീസര്‍ പുറത്തിറങ്ങി. സച്ചിന്‍ ദ ഫിലിമിന്റെ എന്ന ചിത്രത്തിന്റെ ടീസര്‍ പുറത്തിറക്കി സംസാരിക്കുമ്പോഴായിരുന്നു അഭിനയത്തെക്കുറിച്ചുള്ള സച്ചിന്റെ പരാമര്‍ശം. സച്ചിന്റെ ദൗദ്യോഗിക ഫെയ്‌സ്ബുക്ക് പേജിലൂടെയാണ് ചിത്രത്തിന്റെ ടീസര്‍ റിലീസ് ചെയ്തത്. വര്‍ഷങ്ങളായി ഞാന്‍ ചെയ്തിരുന്ന കാര്യം ക്യാമറ പകര്‍ത്തുകയായിരുന്നു. ഇപ്പോള്‍ ക്യാമറയ്ക്ക് മുന്നില്‍ ചില കാര്യങ്ങള്‍ ചെയ്യാന്‍ ആവശ്യപ്പെടുകയും ക്യാമറ അത് പകര്‍ത്തിയെടുക്കുകയും ചെയ്യുനു. അത് ഏറെ ദുഷ്‌കരവും വെല്ലുവിളി നിറഞ്ഞതുമായി തോന്നിയതായി ക്രിക്കറ്റ് ദൈവം പറഞ്ഞു. താന്‍ അഭിനയം സ്വപ്നം കണ്ടിട്ടു പോലുമില്ലെന്നും സച്ചിന്‍ കൂട്ടിച്ചേര്‍ത്തു. മുംബൈ ആസ്ഥാനമായുള്ള 200 നോട്ട് ഔട്ട് എന്ന നിര്‍മ്മാണ കമ്പനിയാണ് ചിത്രം നിര്‍മ്മിക്കുന്നത്. ജെയിംസ് എര്‍സ്‌കിന്‍ സംവിധാനം ചെയ്യുന്ന ചിത്രത്തില്‍ എ.ആര്‍ റഹ്മാനാണ് സംഗീത സംവിധാനം നിര്‍വഹിക്കുന്നത്. ചിത്രത്തിന്റെ ടീസറിന് വന്‍ വരവേല്‍പ്പാണ് സമൂഹമാധ്യമങ്ങളില്‍ ലഭിക്കുന്നത്.
Saturday, November 23, 2024 21:02:19 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല