സ്വന്തം ലേഖകന്‍: അറബിയുടെ തല്ല് ഒരു പ്രവാസി നഴ്‌സിന്റെ ജീവിതം മാറ്റിയ കഥ. സൗദിയിലെ ഒരു പ്രവാസി നഴ്‌സിനാണ് അറബിയുടെ തല്ലുകിട്ടിയതിനെ തുടര്‍ന്ന് ജീവിതം മാറിമറിഞ്ഞത്. സൗദിയില്‍ പ്രവാസിയായ നഴ്‌സിന് തനിക്ക് പണ്ട് കിട്ടിയ തല്ലിന് നഷ്ടപരിഹാരമായ ലഭിച്ചത് അന്‍പതിനായിരം സൗദി റിയാല്‍.
അതായത് ഏകദേശം 8,77,107 രൂപ. തല്ലിന്റേയും നഷ്ടപരിഹാരത്തിന്റേയുമൊക്കെ കഥകള്‍ നിരവധിയുണ്ടെങ്കിലും ഈ കഥക്ക് ഒരു അപൂര്‍വതയുണ്ട്. കുറേ നാളുകള്‍ക്ക് മുമ്പാണ് പ്രവാസി നഴ്‌സിനെ ആശുപത്രിയില്‍ മറ്റ് സ്റ്റാഫുകളുടെ മുന്നില്‍ വച്ച് സ്വദേശിയായ അറബി തല്ലിയത്. സ്വഭാവികമായും അറബിയ്‌ക്കെതിരെ കേസെടുത്തു.
ഒടുവില്‍ കേസില്‍ അമ്പതിനായിരം ദിര്‍ഹം നഷ്ടപരിഹാരം നല്‍കി കേസ് ഒത്തുതീര്‍പ്പാക്കാം അല്ലെങ്കില്‍ രണ്ട് വര്‍ഷം ജയിലില്‍ കിടക്കാം എന്ന് കോടതി വിധിച്ചു. അങ്ങനെ ജാസന്‍ പ്രവിശ്യക്കാരനായ അറബി അന്‍പതിനായിരം ദിര്‍ഹം നഴ്‌സിന് നഷ്ടപരിഹാരമായി നല്‍കി. ഏകദേശം എട്ട് ലക്ഷത്തോളം ഇന്ത്യന്‍ രൂപ വരും ഈ നഷ്ടപരിഹാരത്തുക. അതോടെ അറബിയ്‌ക്കെതിരായ കേസും പിന്‍വലിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല