സ്വന്തം ലേഖകൻ: ൈഫനൽ എക്സിറ്റ് വീസയിൽ സൌദിയിൽ കഴിയുന്നവർക്ക് സന്തോഷ വാർത്ത. വീസയുടെ കാലാവധി ഒക്ടോബർ 31 വരെ നീട്ടാന്‍ സൌദി ഭരണാധികാരി സൽമാൻ രാജാവ് ഉത്തരവിട്ടു. ഫൈനൽ എക്സിറ്റ് വീസ അടിച്ചിട്ടും കോവിഡ് പശ്ചാത്തലത്തിൽ വിമാന സർവീസില്ലാത്തതിനാൽ രാജ്യം വിടാൻ കഴിയാത്തവർക്കാണ് ഇൗ ആനുകൂല്യം.
ഒരുതരത്തിലുള്ള ഫീസുമില്ലാതെയാണ് വീസ കാലാവധി ദീർഘിപ്പിച്ച് നൽകുന്നത്. വീസ ദീർഘിപ്പിക്കൽ നടപടി ആരംഭിച്ചതായി സൌദി ജവാസത്ത് അറിയിച്ചു. അപേക്ഷ നൽകാതെ തന്നെ സ്വമേധയാ കാലാവധി ദീർഘിപ്പിക്കും.
കോവിഡ് വന്നതിന് ശേഷം ഇതുവരെ 29,000 പേരുടെ ഫൈനല്‍ എക്സിറ്റ് വീസകൾ ഇപ്രകാരം പുതുക്കിയതായി ജവസാത്തിനെ ഉദ്ധരിച്ച് ‘അഖ്ബാർ’ ഒാൺലൈൻ പത്രം റിപ്പോർട്ട് ചെയ്തു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല