തോമസ് കെ ആന്റണി: യുവജനങ്ങള്‍ക്കായി സെഹിയോന്‍ ടീം നയിക്കുന്ന സ്‌കൂള്‍ ഓഫ് ഇവഞ്ചലൈസേഷന്‍ ആഗസ്ത് 30 മുതല്‍ 16 വയസ്സു മുതല്‍ 25 വയസ്സുവരെയുള്ള അവിവാഹിതരായ യുവജനങ്ങള്‍ക്കായി സെഹീയോന്‍ യുകെ ടീം നയിക്കുന്ന താമസിച്ചുള്ള ധ്യാനം ആഗസ്ത് 30 ആം തിയതി ചൊവ്വാഴ്ച മുതല്‍ സെപ്തംബര്‍ 30ാം തിയതി ശനിയാഴ്ച വരെ.
ഹണ്ടിങ്ടണ്‍ സെന്റ് ക്ലാരറ്റ് ധ്യാന കേന്ദ്രത്തില്‍ ശാന്തവും മനോഹരവുമായ അന്തരീക്ഷത്തില്‍ വേനല്‍കാല അവധി സമയം ദൈവവചന ശുശ്രൂഷകളിലൂടെ സ്വന്തം ജീവിത സാഹചര്യങ്ങളെ വിലയിരുത്താനും ക്രമപ്പെടുത്തുവാനും ഏതാനും പേര്‍ക്കുകൂടി അവസരം,
യുവജന വളര്‍ച്ചാ സമയങ്ങളിലുണ്ടാകുന്ന സമൂഹികവും സാംസ്‌കാരികവും ആത്മീയവുമായ വിഷയങ്ങളിലെ സംശയങ്ങളും സംഘര്‍ഷങ്ങളും ഭാവിയെകുറിച്ചുള്ള ഉത്കണ്ഠകളും കത്തോലിക്കാ മത ബോധനത്തിന്റേയും വിശുദ്ധ ബൈബിളിന്റേയും അടിസ്ഥാനത്തില്‍ വിശദീകരിച്ച ആകുലതകളെ ലഘൂകരിച്ച് ദൈവ സ്‌നേഹത്തിലും വിശ്വാസത്തിലും വിശുദ്ധിയോടെ ആനന്ദകരമായ ജീവിതം നയിക്കുവാന്‍ യുവജനങ്ങളെ ഒരുക്കുന്ന ശുശ്രൂഷയിലേക്ക് സ്വാഗതം ചെയ്യുന്നു.
എല്ലാ ദിവസവും വിശുദ്ധ കുര്‍ബാനയും വചനപ്രഘോഷണവും കുമ്പസാരവും സ്പിരിച്വല്‍ ഷെയറിങ്,ആന്തരിക സൗഖ്യ പ്രാര്‍ത്ഥനയും വിവിധ തരം വര്‍ക്ക് ഷോപ്പുകളും ഉണ്ടായിരിക്കും.
ധ്യാനത്തില്‍ പങ്കെടുക്കാന്‍ ആഗ്രഹിക്കുന്നവര്‍
www.sehionuk.org/register ചെയ്യുക.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല