‘ക്ഷമിക്കണം എന്നൊരു വാക്കു പറയാത്തവര്‍ ഏറെയുള്ള ഇൌ ലോകത്ത് ബ്രിട്ടിഷുകാര്‍ വേറിട്ടു നില്‍ക്കുന്നു. അവര്‍ തങ്ങളുടേതല്ലാത്ത കുറ്റത്തിനുപോലും മറ്റുള്ളവരോട് ‘സോറി പറയുന്നു. ശരാശരി ബ്രിട്ടിഷുകാരന്‍ ദിവസവും കുറഞ്ഞത് എട്ടുവട്ടം സോറി പറയും. വര്‍ഷത്തില്‍ 2920 പ്രാവശ്യം. ജീവിതകാലത്ത് 23 ലക്ഷം തവണ – ഡെയ്ലി എക്സ്പ്രസ് നല്‍കിയതാണ് ഇൌ കണക്കുകള്‍.
എട്ടു ബ്രിട്ടിഷുകാരില്‍ ഒരാള്‍ ദിവസവും 20 വട്ടം വരെ ക്ഷമാപണം നടത്തും. പലരുടെയും ക്ഷമാപണം മറ്റുള്ളവന്റെ കുറ്റത്തിനാണത്രെ. തന്നെ വന്നു മുട്ടുന്ന ആളോട് ക്ഷമ പറയുന്നവര്‍ 43% വരും. തന്റെ ഷൂസില്‍ ചവിട്ടുന്നവരോട് സോറി പറയുന്നവരുടെ എണ്ണം 17%.’എക്സ്ക്യൂസ് മീ എന്ന വാക്ക് ഏറ്റവും കൂടുതല്‍ ഉപയോഗിക്കുന്നത് ഇടയില്‍ കയറി സംസാരിക്കുമ്പോഴാണ്. ജോലിസ്ഥലത്താണിത് ഏറ്റവും കൂടുതല്‍ ഉപയോഗിക്കപ്പെടുന്നത് – 39%. ഷോപ്പിങ്ങിനിടയിലും (33%) വീട്ടിലും (31%) ഇതു സര്‍വസാധാരണമാണ്.’ഇതു തെളിയിക്കുന്നതു ബ്രിട്ടന്‍ ആവശ്യത്തിലേറെ ക്ഷമ പറയുന്നവരുടെ രാജ്യമാണെന്നാണ് – പഠനം നടത്തിയ ഏജന്‍സിയുടെ വക്താവ് വിക്ടോറിയ വില്ലിസ് ചൂണ്ടിക്കാട്ടി.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല