രാജു വേലാംകാല (അബര്‍ഡീന്‍): സ്‌കോട്ട്‌ലണ്ടില്‍ യാക്കോബായാ സുറിയാനി സഭയുടെ പീഡാനുഭവവാരം ആചരിക്കുന്ന എക ദേവാലയമായ അബര്‍ഡീന്‍ സെന്റ് ജോര്‍ജ് യാക്കോബായാ സുറിയാനി ഓര്‍ത്തഡോക്!സ് പള്ളിയില്‍ മുന്‍ വര്‍ഷങ്ങളില്‍ നടത്തി വന്നിരുന്നതുപോലെ ഈ വര്‍ഷവും
ഏപ്രില്‍ 9 ആം തീയതി ഞായറാഴ്ച സെന്റ് ക്ലെമെന്റ്‌സ് എപ്പിസ്‌കോപ്പല്‍ പള്ളിയില്‍ രാവിലെ 11.45 ന് പ്രഭാത നമസ്‌കാരവും, ‘ഇസ്രായേലിന്റെ രാജാവായി കര്‍ത്താവിന്റെ നാമത്തില്‍ വരുന്നവന്‍ വാഴ്ത്തപ്പെട്ടവനാകുന്നു, സ്വര്‍ഗ്ഗത്തില്‍ സമാധാനം ഉന്നതങ്ങളില്‍ സ്തുതി അത്യുന്നതങ്ങളില്‍, ഓശാന ദാവിദിന്റെ പുത്രന് ഓശാന’ എന്നു ആര്‍ത്തു പാടുന്ന പ്രദക്ഷിണവും, കുരുത്തോല വാഴ്ത്തല്‍ ശുശ്രുഷകളും, കുരുത്തോല വിതരണവും, തുടര്‍ന്ന് റവ. ഫാ. മിജോ മാത്യുവിന്റെ മുഖ്യ കാര്‍മ്മികത്വത്തില്‍ വി. കുര്‍ബാനയും,
അനുഗ്രഹ പ്രഭാഷണം, ആശിര്‍വാദം, എന്നിവയോടു കൂടി ഓശാന പെരുന്നാള്‍ ആഘോഷിച്ചു.
ഏപ്രില്‍ 10, 11, തിങ്കള്‍,ചൊവ്വാ ദിവസങ്ങളില്‍ വൈകുന്നേരം 6 മണിക്കു കുമ്പസാരവും 7 മണിക്കു സന്ധ്യാ പ്രാര്‍ത്ഥനയും, സുവിശേഷ പ്രസംഗവും,ധ്യാനവും ഉണ്ടായിരിക്കും. ഏപ്രില്‍ 11, തിയതി ചൊവ്വാ 6.30 മുതല്‍ സണ്‍ഡേ സ്‌കൂള്‍ കുട്ടികള്‍ക്കായിഹൂസോയോപ്രാപിക്കുവാന്‍സമയം
ക്രെമീകരിച്ചിരിക്കുന്നു അപ്പോള്‍ എല്ലാ മാതാ പിതാക്കളും കുട്ടികളെ പള്ളിയില്‍ കൊണ്ടുവരേണ്ടതാണ്.
ഏപ്രില്‍ 12 ആം തീയതി ബുധനാഴ്ച വൈകുന്നേരം 4 മുതല്‍ സെന്റ് ക്ലെമെന്റ്‌സ് എപ്പിസ്‌കോപ്പല്‍ പള്ളിയില്‍ കുമ്പസാരവും, 6.30 മണിക്കു സന്ധ്യാ പ്രാര്‍ത്ഥനയും, പെസഹയുടെ ശുശ്രുഷകളും, പെസഹ കുര്‍ബാനയും, അപ്പം മുറിക്കലും ഉണ്ടായിരിക്കും.
ഏപ്രില്‍ 14 ആം തിയതി വെള്ളിയാഴ്ച രാവിലെ 7 നു ദു:ഖ വെള്ളിയുടെ ശുശ്രുഷകള്‍, രക്ഷാകരമായ പീഡാനുഭാവത്തിന്റെ പൂര്‍ത്തികാരണമായ നമ്മുടെ കര്‍ത്താവിന്റെ കുരിശു മരണത്തിന്റെ സ്മരണയായ ദു: ഖ വെള്ളിയുടെ ശുശ്രുഷകള്‍.
ഏപ്രില്‍ 14 ആം തീയതി രാവിലെ 7 മണിക്കു പ്രഭാത നമസ്‌കാരവും, സ്ലീബാ ആരാധനയുടെ പ്രത്യേക ശുശ്രുഷ, സ്ലീബാവന്ദനം, സ്ലീബാ ആഘോഷം,കബറടക്ക ശുശ്രുഷ, , തുടര്‍ന്നു നമ്മുടെ കര്‍ത്താവിനെ ആക്ഷേപിച്ചു ചൊറുക്ക കൊടുത്തതിനെ അനുസ്മരിച്ചു കൊണ്ടു വിശ്വാസികള്‍ ചൊറുക്കാ കുടിച്ചു ദു: ഖ വെള്ളിയുടെ ശുശ്രുഷകള്‍ അവസാനിക്കും.
ഏപ്രില്‍ 15 ആം തിയതി ശനിയാഴ്ച വൈകുന്നേരം 6 നു ഉയര്‍പ്പു പെരുന്നാള്‍. നമ്മുടെ കര്‍ത്താവിന്റെ മഹത്വകരമായ ഉയര്‍പ്പുപെരുന്നാള്‍
ഏപ്രില്‍ 15 ആം തീയതി വൈകുന്നേരം 6 മണിക്കു സന്ധ്യാ പ്രാര്‍ത്ഥനയും, തുടര്‍ന്നു ‘നിങ്ങള്‍ ഭയപ്പെടേണ്ടാ,കുരിശില്‍ തറയ്ക്കപ്പെട്ട യേശു തമ്പുരാന്‍ അവന്‍ പറഞ്ഞ പ്രകാരം ഉയിര്‍ത്തെഴുന്നെറ്റു എന്നാ പ്രഖ്യാപനം, ഉയര്‍പ്പു പെരുന്നാളിന്റെ പ്രത്യേക ശുശ്രുഷകളും, വി. കുര്‍ബാനയും, സ്ലീബാ ആഘോഷം, സ്‌നേഹ വിരുന്നോടുകൂടി ഈ വര്‍ഷത്തെ പീഡാനുഭവ വാരം അവസാനിക്കും.
കഷ്ടാനുഭവ ആചരണത്തിന്റെ എല്ലാ ശുശ്രുഷകളിലും വി. കുര്‍ബാനയിലും കുടുംബ സമേതം വന്നു സംബന്ധിച്ചു അനുഗ്രഹിതരാകാന്‍ സ്‌കോട്ട്‌ലണ്ടിലും, അബര്‍ഡീന്റെ പരിസര പ്രദേശങ്ങളിലും ഉള്ള എല്ലാ സുറിയാനി ക്രിസ്ത്യാനികളെയും കതൃനാമത്തില്‍ സ്വാഗതം ചെയ്യുന്നു. പീഡാനുഭവ വാരം ശുശ്രുഷകള്‍ക്കു റവ. ഫാ. മിജോ മാത്യു നേതൃത്വം നല്‍കുന്നു.
പള്ളിയുടെ വിലാസം,
St .Clements Episcopal Church , Matsrick Drive ,
AB 16 6 UF , Aberdeen , Scotland , UK .
കുടുതല്‍ വിവരങ്ങള്‍ക്ക്,
വികാരി: റവ ഫാ: എബിന്‍ മാര്‍ക്കോസ്, 07736547476
സെക്രട്ടറി: രാജു വേലംകാല, 07789411249, 01224 680500
ട്രഷറര്‍: ജോണ്‍ വര്‍ഗീസ്, 07737783234, 01224 467104
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല