സ്വന്തം ലേഖകന്‍: ശ്രീശാന്തിന്റെ മലയാള ചിത്രം ടീം ഫൈവിന്റെ ടീസറെത്തി, ബൈക്ക് റേസറുടെ വേഷത്തില്‍ മുന്‍ ക്രിക്കറ്റ് താരം. ശ്രീശാന്ത്, നിക്കി ഗല്‍റാണി എന്നിവര്‍ കേന്ദ്രകഥാപാത്രങ്ങളെ അവതരിപ്പിക്കുന്ന ടീം ഫൈവിന്റെ സംവിധാനം നിര്‍വഹിച്ചിരിക്കുന്നത് സുരേഷ് ഗോവിന്ദാണ്. ചിത്രത്തില്‍ പേളി മാണിയും പ്രധാനപ്പെട്ട വേഷത്തിലെത്തുന്നു. ഒരു ബൈക്ക് റേസറുടെ വേഷത്തിലാണ് ശ്രീശാന്ത് ഈ സിനിമയില്‍ അഭിനയിക്കുന്നത്. ബൈക്ക് റേസുമായി ബന്ധപ്പെട്ട വിഷ്വലുകളാണ് ആദ്യ ടീസറിലുള്ളത്. റിയാലിറ്റി ഡാന്‍സ് ഷോകളിലും പരസ്യങ്ങളിലുമൊക്കെ അഭിനയിച്ചിട്ടുള്ള ശ്രീശാന്തിന്റെ ആദ്യ മലയാള ചലച്ചിത്രമാണ് ടീം ഫൈവ്. ശ്രീശാന്തിന് മലയാളത്തില്‍ അവസരം നല്‍കാന്‍ ചില സംവിധായകര്‍ തീരുമാനിച്ചിരുന്നെങ്കിലും ഐപിഎല്‍ കോഴയുമായി ബന്ധപ്പെട്ട വിവാദങ്ങളെ തുടര്‍ന്ന് വേണ്ടെന്ന് വയ്ക്കുകയായിരുന്നു. കേസില്‍ കുറ്റവിമുക്തനാക്കപ്പെട്ട ശേഷമാണ് ശ്രീശാന്ത് ബിജെപി സ്ഥാനാര്‍ത്ഥിയായി തിരുവനന്തപുരം സെന്‍ട്രല്‍ മണ്ഡലത്തില്‍ മത്സരിച്ചത്. ടീം ഫൈവിന്റെ ടീസര്‍ കാണാം…
Saturday, November 23, 2024 17:05:41 PM
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല