അലക്‌സ് വര്‍ഗീസ്
മാഞ്ചസ്റ്റര്‍ സെന്റ് മേരീസ് യാക്കോബായ സുറിയാനി പള്ളിയിലെ ഈ വര്‍ഷത്തെ കഷ്ടാനുഭവാഴ്ച ശുശ്രൂഷകള്‍ മാര്‍ച്ച് 29 ഞായറാഴ്ച ഓശാന പെരുന്നാളോടുകൂടി ആരംഭിച്ചു. തുടര്‍ന്ന് നമ്മുടെ കര്‍ത്താവ് തന്റെ പ്രിയ ശിഷ്യന്‍മാരുമായി പെസഹാ പെരുാള്‍ ആഘോഷിച്ചതിന്റെ ഓര്‍മ്മ ഏപ്രില്‍ മാസം 1ാം തീയതി ബഹുമാനപ്പെട്ട പീറ്റര്‍ കുര്യാക്കോസ് കശ്ശീശയുടെ കാര്‍മ്മികത്വത്തില്‍ നടത്തപ്പെട്ടു.
ലോകത്തിന്റെ പാപത്തെ മായ്ക്കുവാനായി കാല്‍വരിയിലെ യാഗമായതിന്റെ ഓര്‍മ്മ ദുഃഖവെള്ളിയാഴ്ച ഏപ്രില്‍ മാസം രണ്ടാം തീയതിയും, രക്ഷാകരമായ ഉയിര്‍പ്പിന്റെ, സകല മാനവജാതികള്‍ക്കുമുണ്ടായ പ്രത്യാശയുടെ ഉയിര്‍പ്പ് ശുശ്രൂഷകള്‍ ഏപ്രില്‍ മാസം നാലാം തീയതി ബഹുമാനപ്പെട്ട സിബി വാലയില്‍ കശ്ശീശയുടെ കാര്‍മ്മികത്വത്തില്‍ നടത്തപ്പെട്ടു.
ഇടവകാംഗങ്ങളെ കൂടാതെ മറ്റനേകം വിശ്വാസികളും ഓശാന ഞായര്‍ മുതല്‍ ഉയിര്‍പ്പ് പെരുന്നാള്‍ വരെ വന്ന് സംബന്ധിച്ച് അനുഗ്രഹം പ്രാപിക്കുകയുണ്ടായി. ഈ അവസരത്തില്‍ ഒരിക്കല്‍ക്കൂടെ എല്ലാവര്‍ക്കും ഉയിര്‍പ്പ് പെരുന്നാളിന്റെ ആശംസകള്‍ നേരുന്നതോടൊപ്പം വന്നു സംബന്ധിച്ച എല്ലാവര്‍ക്കും വികാരിയുടെ പേരിലും, ഇടവകയുടെ പേരിലും നന്ദി അറിയിക്കുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല