സ്റ്റാഫോര്‍ഡ് : ഓണത്തോട് അനുബന്ധിച്ച് സ്റ്റാഫോര്‍ഡ് കേരള അസോസിയേഷന്‍ സംഘടിപ്പിച്ച സ്‌പോര്‍ട്ട്‌സ് ഡേ ആവേശകരമായി. സ്‌പോര്‍ട്ട്‌സ് ഡേയോട് അനുബന്ധിച്ച് കാര്‍ഡ് കളി, ബാഡ്മിന്റണ്‍ മത്സരം എന്നിവയും സംഘടിപ്പിച്ചിരുന്നു. മുതിര്‍ന്ന സ്ത്രീകളുടേയും പുരുഷന്‍മാരുടേയും ഓട്ടം, നടത്തം, വാല്‍മുറി, ബീന്‍ബാഗ് റൈസ് എന്നീ മത്സരങ്ങളും സ്‌പോര്‍ട്ട്‌സ് ഡേയോട് അനുബന്ധിച്ച് നടത്തുകയുണ്ടായി. കുട്ടികള്‍ക്കുളള കായിക മത്സരങ്ങളും ഉണ്ടായിരുന്നു. സ്റ്റാഫോര്‍ഡിലെ ഗ്രവ്ഡില്‍ സംഘടിപ്പിച്ച മത്സരത്തില്‍ അസോസിയേഷനിലെ എല്ലാം അംഗങ്ങളും ആവേശത്തോടെ പങ്കെടുത്തു.
മുതിര്‍ന്ന സ്ത്രീകള്‍ക്കും പുരുഷന്‍മാര്‍ക്കുമായുളള കാര്‍ഡ് കളി (28,40, റമ്മി) നടക്കുകയുണ്ടായി. ബീക്കന്‍സൈഡ് സ്‌പോര്‍ട്ട്‌സെന്ററിലാണ് വാശിയേറിയ ബാഡ്മിന്റണ്‍ മത്സരങ്ങള്‍ നടന്നത്. വിജയികള്‍ക്കുളള സമ്മാനങ്ങള്‍ അസോസിയേഷന്റെ ഓണാഘോഷ പ്രോഗ്രാമിനോട് അനുബന്ധിച്ച് വിതരണം ചെയ്യുമെന്ന് അസോസിയേഷന്‍ ഭാരവാഹികള്‍ അറിയിച്ചു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല