വി​ദ്യാ​ർ​ഥി​ക​ളെ ഫോ​ൺ വി​ളി​ച്ചും മെ​യി​ൽ അ​യ​ച്ചും പ​ണം തട്ടൽ; മുന്നറിയിപ്പുമായി യുഎഇ വി​ദേ​ശ​കാ​ര്യ മ​ന്ത്രാ​ല​യം

സ്വന്തം ലേഖകൻ: വി​ദ്യാ​ർ​ഥി​ക​ളെ ഫോ​ൺ വി​ളി​ച്ചും മെ​യി​ൽ അ​യ​ച്ചും പ​ണം ത​ട്ടു​ന്ന​തി​നെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന്​ വി​ദേ​ശ​കാ​ര്യ മ​ന്ത്രാ​ല​യം. യുഎഇ​യു​ടെ വി​വി​ധ എം​ബ​സി​ക​ളു​ടെ പേ​രി​ലാ​ണ്​ ശ്ര​ദ്ധ​യി​​ൽ പെ​ട്ട​തെ​ന്ന്​ മ​ന്ത്രാ​ല​യം പ്ര​സ്താ​വ​ന​യി​ൽ അ​റി​യി​ച്ചു. പൗ​ര​ന്മാ​രെ​യും വി​ദ്യാ​ർ​ഥി​ക​ളെ​യും ല​ക്ഷ്യ​മി​ട്ടു​ള്ള ത​ട്ടി​പ്പി​ൽ യൂ​നി​വേ​ഴ്​​സി​റ്റി അ​ഡ്​​മി​ഷ​നു​മാ​യി ബ​ന്ധ​പ്പെ​ട്ട പ​ണം ട്രാ​ൻ​സ്ഫ​ർ ചെ​യ്യാ​നും സ്കോ​ള​ർ​ഷി​പ്​ ല​ഭി​ക്കാ​ൻ മു​ൻ​കൂ​ർ പ​ണ​മ​ട​ക്കാ​നു​മൊ​ക്കെ​യാ​ണ്​ ആ​വ​ശ്യ​പ്പെ​ടു​ന്ന​ത്.

എം​ബ​സി​ക​ൾ, ഉ​ദ്യോ​ഗ​സ്ഥ​ർ, ജീ​വ​ന​ക്കാ​ർ എ​ന്നി​വ​രു​ടെ പേ​രി​ൽ ത​ട്ടി​പ്പു​സം​ഘം ബ​ന്ധ​പ്പെ​ടാ​മെ​ന്നും ജാ​ഗ്ര​ത പാ​ലി​ക്ക​ണ​മെ​ന്നു​മാ​ണ്​ അ​ധി​കൃ​ത​ർ നി​ർ​ദേ​ശി​ച്ചി​ട്ടു​ള്ള​ത്. ഇ​ത്ത​രം മെ​യി​ലു​ക​ൾ​ക്ക്​ ഒ​രി​ക്ക​ലും മ​റു​പ​ടി ന​ൽ​ക​രു​തെ​ന്നും ഇ​ത്ത​രം ഫോ​ൺ വി​ളി​ക​ളോ മെ​യി​ലു​ക​ളോ ല​ഭി​ക്കു​ന്ന​വ​ർ വി​ദേ​ശ​കാ​ര്യ മ​ന്ത്രാ​ല​യ​ത്തി​ന്‍റെ 0097180024 എ​ന്ന ന​മ്പ​റി​ൽ വി​വ​ര​മ​റി​യി​ക്ക​ണ​മെ​ന്നും പ്ര​സ്താ​വ​ന​യി​ൽ ആ​വ​ശ്യ​പ്പെ​ട്ടു.

ഫോ​ണി​ലേ​ക്കും ഇ-​മെ​യി​ലി​ലേ​ക്കും ബ​ന്ധ​പ്പെ​ട്ട്​ പ​ണം ത​ട്ടു​ന്ന സൈ​ബ​ര്‍ കു​റ്റ​കൃ​ത്യ​ങ്ങ​ള്‍ക്കെ​തി​രെ ജാ​ഗ്ര​ത വേ​ണ​മെ​ന്ന് അ​ധി​കൃ​ത​ര്‍ നി​ര​ന്ത​രം നി​ർ​ദേ​ശ​ങ്ങ​ൾ ന​ൽ​കി​വ​രു​ന്നു​ണ്ട്. ബാ​ങ്ക് അ​ധി​കൃ​ത​ര്‍ അ​ക്കൗ​ണ്ട് ന​മ്പ​റോ പാ​സ്​​വേ​ഡോ പി​ന്‍ന​മ്പ​റു​ക​ളോ വ്യ​ക്തി​ഗ​ത വി​വ​ര​ങ്ങ​ളോ കൈ​മാ​റ​രു​തെ​ന്നും ത​ട്ടി​പ്പ്​ സം​ശ​യി​ക്കു​ന്ന മെ​യി​ലു​ക​ള്‍ക്ക്​ മ​റു​പ​ടി ന​ൽ​ക​രു​തെ​ന്നും അ​ധി​കൃ​ത​ർ നി​ർ​ദേ​ശി​ച്ചി​ട്ടു​ണ്ട്.