ജോബി മൈക്കിള്‍
സ്വാന്‍സി ഹോളി ക്രോസ് ക്രിസ്ത്യന്‍ കമ്യൂണിറ്റിയുടെ നേതൃത്വത്തില്‍ നടന്ന കുടുംബ കൂട്ടായ്മയും സ്‌പോര്‍ട്‌സ് ഡേ ആഘോഷങ്ങളും അത്യുജ്വലമായി. ചൊവ്വാഴ്ച സ്വാന്‍സിയിലെ ജെന്‍ഡ്രോസ് ഹോളി ക്രോസ് ചര്‍ച്ച് ഗ്രൗണ്ടില്‍ നടത്തിയ പരിപാടികളുടെ ഉദ്ഘാടനം ഹോളി ക്രോസ് ചര്‍ച്ച് വികാരി ഫാ . സിറിള്‍ തടത്തില്‍ നിര്‍വഹിച്ചു. തുടര്‍ന്ന് സബ് ജൂനിയര്‍, ജൂനിയര്‍, യൂത്ത്, സീനിയര്‍, എന്നീ വിഭാഗങ്ങളില്‍ നടത്തിയ കായിക മത്സരങ്ങളില്‍ നിരവധി കുട്ടികളും മുതിര്‍ന്നവരും പങ്കെടുത്തു. 50 മീറ്റര്‍, നൂറു മീറ്റര്‍, 200 മീറ്റര്‍ മത്സരങ്ങളും സ്പൂണ്‍ റേസ്, മിഠായി പെറുക്ക്, തവളചാട്ടം, നടത്തമത്സരം തുടങ്ങിയ നിരവധി മത്സരങ്ങള്‍ നടന്നു.
കൂടാതെ ബലൂണ്‍ മേള, ബൗണ്‍സികാസ്റ്റില്‍, മാര്‍വിന്‍ ബിനോയുടെ നേതൃത്വത്തില്‍ മാജിക് ഷോ തുടങ്ങിയവയും അരങ്ങുതകര്‍ത്തു. അതോടൊപ്പം തന്നെ തികച്ചും കേരളീയ ശൈലിയില്‍ രുചിയേറിയ വൈവിധ്യമാര്‍ന്ന ഭക്ഷണ വിഭവങ്ങളും തയാറാക്കിയിരുന്നു. ജിജോ ജോയ് കൈപ്പുഴയുടെ നേതൃത്വത്തില്‍ സജി, ഷാജി, റോയ്, അനില്‍, ജെറി, ഐസല്‍, മരിയ, ടെസി എന്നിവരുടെ ഫുഡ് സ്റ്റാളുകളില്‍ രുചികരമായ മസല ദോശ, കപ്പ ബിരിയാണി, സുഖിയന്‍, പരിപ്പുവട, പഴംപൊരി, ബ്രെഡ് ഓംലറ്റ് കൂടാതെ ടീ ഷോപ്പ്, ഐസ്‌ക്രീം പാര്‍ലര്‍ഷോപ്പ് തുടങ്ങിയവയുടെയും സ്റ്റാളുകള്‍ നിരന്നിരുന്നു. മുഴുവന്‍ സ്റ്റാളുകളിലും വന്‍തിരക്കാണ് അനുഭവപ്പെട്ടത്. തുടര്‍ന്നാണ് മാര്‍വിന്‍ ബിനോയുടെ നേതൃത്വത്തില്‍ ഏവരെയും വിസ്മയിപ്പിച്ച മാജിക് ഷോ അരങ്ങുതകര്‍ത്തത്. ഉച്ചയ്ക്കു 12.30 മുതല്‍ ആരംഭിച്ച പരിപാടികള്‍ വൈകിട്ടു എട്ടു വരെ നീണ്ടുനിന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല