സ്വന്തം ലേഖകന്‍: ബാല്‍ താക്കറെയെ ഭീകരനാക്കി കവര്‍ സ്റ്റോറി, തെഹല്‍ക്ക പുലിവാലു പിടിക്കുന്നു. ആരാണ് ഏറ്റവും വലിയ ഭീകരന്‍ എന്ന മാഗസിന്റെ പുതിയ ലക്കത്തിലെ കവര്‍ സ്റ്റോറിയിലാണ് ബാല്‍ താക്കറെയും ഭീകരനാക്കിയത്. അധോലോക നായകന്‍ ദാവൂദ് ഇബ്രാഹിം, 1993 ലെ മുംബൈ സ്‌ഫോടനക്കേസ് പ്രതി യാക്കൂബ് മേമന്‍, ഖാലിസ്ഥാനി ഭീകര നേതാവ് ജാര്‍നെയില്‍ സിങ് ബിന്ദ്രന്‍വാലെ എന്നിവര്‍ക്കൊപ്പമാണ് ബാല്‍ താക്കറെയും ഉള്‍പ്പെടുത്തിയിരിക്കുന്നത്.
മാഗസിന്റെ കവര്‍ പേജില്‍ മറ്റു മൂന്നു ഭീകര്‍ക്കൊപ്പം ബാല്‍ താക്കറെയുടെ ചിത്രവും നല്‍കിയിട്ടുണ്ട്. മഹാരാഷ്ട്ര നവ്‌നിര്‍മന്‍ സേന അംഗമായ ബാല നാന്ദ്‌ഗോണ്‍ക്കറാണ് മാഗസിനെതിരെ പരാതി നല്‍കിയത്. ഉടന്‍ തന്നെ തെഹല്‍ക മാഗസിന്‍ നിരോധിക്കണമെന്നും എഡിറ്റര്‍ മാത്യു സാമുവലിനെ അറസ്റ്റു ചെയ്യണമെന്നും ബാല പരാതിയില്‍ ആവശ്യപ്പെട്ടു.
രണ്ടു സംസ്‌കാരങ്ങള്‍ക്കിടയില്‍ വിള്ളലുണ്ടാക്കാനാണ് മാത്യു സാമുവല്‍ ശ്രമിക്കുന്നതെന്നും ബാല കുറ്റപ്പെടുത്തി. കഴിഞ്ഞയാഴ്ച പുറത്തിറങ്ങിയ തെഹല്‍ക്ക് കവ്ര്‍ സ്റ്റോറി ഏറെ ചര്‍ച്ചപ്പെടുകയും സോഷ്യല്‍ മാധ്യമങ്ങളില്‍ വൈറലാകുകയും ചെയ്തിരുന്നു.
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല