അപ്പച്ചന്‍ കണ്ണഞ്ചിറ
താമരശ്ശേരി രൂപതയിലെ കുടുംബാംഗങ്ങളുടെ ഒത്തു കൂടലിന് ലെസ്റ്റര്‍ ആവേശ പൂര്‍വ്വം ഒരുങ്ങി. യു കെ യില്‍ സീറോ മലബാര്‍ സഭയുടെ വാല്ഷിങ്ങാം തീര്‍ത്ഥാടനത്തിന്റെ മുഖ്യാഥിതിയായി എത്തിയ താമരശ്ശേരി രൂപത യുടെ അഭിവന്ദ്യ അധ്യക്ഷന്‍ മാര്‍ റെമിജിയുസ് ഇഞ്ച്‌നാനിയില്‍ പിതാവിന്റെ ജൂബിലി നിറവില്‍ ലെസ്ട്ടരില്‍ ഉജ്ജ്വല സ്വീകരണം നല്‍കും. മുത്തുക്കുടകളുടെയും , താലപ്പൊലികളുടെയും അകമ്പടിയോടെ താമരശ്ശേരി രൂപതാ അധ്യക്ഷനെയും, രൂപതാന്ഗങ്ങളും യു കെ യില്‍ പൌരോഹിത്യ ശുശ്ര്ക്ഷ ചെയ്യുന്നവരുമായ വൈദികരായ, ഫാ തോമസ് കളപ്പുരക്കല്‍, റവ.ഡോ മാത്യു ചൂരപൊയികയില്‍, ഫാ ജിമ്മി പുളിക്കക്കുന്നേല്‍, ഫാ ലുക്ക് മാറാപ്പിള്ളില്‍, ഇപ്പോള്‍ യു കെ യില്‍ എത്തിയിട്ടുള്ള ഫാ മാത്യു പ്ലാത്തോട്ടം, സി്‌സ്റ്റേഴ്‌സ്, വിശിഷ്ട അഥിതികള്‍ എന്നിവരെയും വേദിയിലേക്ക് സ്വീകരിച്ചു ആനയിക്കും.
ജൂലൈ 14 ശനിയാഴ്ച രാവിലെ 10.30 നു ആഘോഷമായ സമൂഹ ദിവ്യ ബലിയോടെ ലെസ്റ്ററില്‍ സംഗമത്തിന് തുടക്കമാവും. കോഴിക്കോട് മലപ്പുറം, ജില്ലകളില്‍ വ്യാപിച്ചു കിടക്കുന്ന രൂപതയുടെ എല്ലാ പ്രദേശങ്ങളില്‍ നീന്നുമുള്ള പ്രവാസി മക്കള്‍ ഈ അത്മീയ സംഗമത്തില്‍ പങ്കെടുക്കും എന്ന് പ്രതീക്ഷിക്കുന്നതായും, എല്ലാവരെയും ഹാര്‍ദ്ധവമായി ക്ഷണിക്കുന്നതായും ഫാ തോമസ് കളപ്പുരക്കലും, ഫാ ജിമ്മിയും അറിയിച്ചു.
ദിവ്യ ബലിക്ക് ശേഷം സ്‌നേഹ വിരുന്നുണ്ടായിരിക്കുന്നതാണ്. തുടര്‍ന്ന് ജുബിലെറിയന്‍ രെമിജിയുസ് പിതാവിനെ ആദരിക്കല്‍. ജൂബിലി കേക്ക് മുറിച്ചു രൂപതാ മക്കള്‍ തതവസരത്തില്‍ സന്തോഷം പങ്കിടും. ആശംശാ അര്‍പ്പണം, കലാ പരിപാടികള്‍, പരിചയം പുതുക്കല്‍, ഫാമിലി ഫണ്‍, തുടര്‍ന്ന് വൈകുന്നേരം 5.00 മണിയോടെ പരിപാടികള്‍ സമാപിക്കും. കലാപരിപാടികള്‍ അവതരിപ്പിക്കുവാന്‍ ആഗ്രഹിക്കുന്നവര്‍ അതിനായി തയ്യാറായി വരണമെന്ന് സംഘാടക സമിതി അറിയിച്ചു.
യു കെ യില്‍ വിവിധ ഭാഗങ്ങളിലായി നിവസിക്കുന്ന എല്ലാ താമരശ്ശേരി രൂപതാ കുടുംബങ്ങളും തങ്ങളുടെ സൗഹൃദം പങ്കിടുവാന്‍ കിട്ടുന്ന ഈ അസുലഭ സന്ദര്‍ഭം വിനിയോഗിക്കണമെന്നും, രൂപതയുടെ അധ്യക്ഷന്‍ കുടുംബാന്ഗങ്ങളെ നേരില്‍ സന്ദര്സ്സിക്കുവാന്‍ എത്തുമ്പോള്‍ തങ്ങളുടെ വിലയേറിയ സാന്നിധ്യവും പ്രാര്‍ത്ഥനകളും, ആശംഷകളും കൊണ്ടുള്ള സമുചിതമായ സ്വീകരണം നല്‍കണമെന്നും തോമസ് അച്ചനും, മാത്യു അച്ചനും, ജിമ്മി അച്ചനും പ്രത്യേകം അഭ്യര്‍തിച്ചു .
കൂടുതല്‍ വിവരങ്ങള്‍ക്ക്
അപ്പച്ചന്‍ കണ്ണഞ്ചിറ, 07737956977
സ്റ്റാന്‍ലി മാത്യു 07958646431
ജോജു മറ്റം 07721742106
പ്രിന്‍സ് കോടഞ്ചേരി 07533062524
സെബാസ്റ്റ്യന്‍ വര്‍ഗ്ഗീസ് 07828897358
വിലാസം
BLABY & DISTRICT SOCIAL CENTRE
4HOSPITAL LANE
BLABY
LEICESTER
LE8 4FE
നിങ്ങളുടെ അഭിപ്രായങ്ങള്‍ ഇവിടെ രേഖപ്പെടുത്തുക
ഇവിടെ കൊടുക്കുന്ന അഭിപ്രായങ്ങള്‍ എന്‍ ആര്‍ ഐ മലയാളിയുടെ അഭിപ്രായമാവണമെന്നില്ല